Ioane 6:68 - Te B'aib'ara

⁶⁸ E kaekaa Betero ao e taku, “Te Uea, ti na nako n antai? A mena iroum taeka aika e reke mai iai te maiu are aki toki.

Ioane 6:68 Iomraidhean Croise

Taian Areru 73:25

Akea riki temanna i karawa ae na buokai b'a ti Ngkoe; Ao akea riki temanna i aonnaba ae I tangiria i rarikim.

Mataio 16:16

E kaekaa Timon Betero ao e taku, “Bon te Kristo Ngkoe, are Natin te Atua are maiu.”

Mareko 8:29

E a manga titirakiniia riki ao E taku, “Ao ngkami, kam taku b'a antai Ngai?” E kaeka Betero ao e taku, “Bon te Kristo Ngkoe.”

Ruka 9:20

Ao E taku nako ia, “Ao ngkami, kam taku b'a antai Ngai?” Ao e kaeka Betero ni kangai, “Ana Kristo te Atua Ngkoe.”

Ioane 12:49

B'a I aki taetae man oin au iango; ma E tuangai te Tama are kanakomaiai b'a tera ae N na taekinna, ao ae N na atongnga.

Ioane 12:50

Ao I ataia b'a e reke te maiu are aki toki man ana tua. Ma ngaia aei, b'a te bae I atongnga, ao I atongnga n aron are E tuangai Tamau.”

Ioane 17:8

b'a I a tia n tuangiia taeka ni kabane ake Ko tuangai, ao a kaaki i nanoia, ao a ataia b'a ngaia e koaua ae I nako mai mai Roum; ao a kakoaua ae Ko kanakomaiai.

Ioane 5:24

“Bon te koaua ni koaua ae I a tuangngkami, b'a ane ongo au taeka ao e onimakina Teuare kanakomaiai, ao e na reke i rouna te maiu are aki toki. E na aki motikaki taekana; e a tia ni kitana te kawai are e na mate iai, ao e a toua te kawai are e na maiu iai.

Ioane 6:40

B'a aio nanon Tamau: b'a ane nora te Nati ma n onimakinna, ao e na reke i rouna te maiu are aki toki; ao N na manga kamaiua n te kabanea ni bong.”

Ioane 6:63

Ae E anga te maiu bon Tamnein te Atua; akea irouia aomata ae kona ni karaoa aei. A riki taeka aika I a tia n atong b'a kawain rokon te Tamnei ao te maiu iroumi.

M'akuri 13:26

Mm'aane, taari, ngkami akana kam riki mairoun Aberaam! Ao akana maaka naba te Atua i buakomi, e kanakomaiakaki taekan te kamaiu aei nako ira.

M'akuri 4:12

Bon ti Iesu ae mena i rouna te kamaiu, ao akea riki; b'a bon akea te ara riki teuana i aani karawa ae a anganaki aomata, ae ti kona ni kamaiuaki iai.

M'akuri 5:20

“Kam na nako n tei i nanon te Tembora, ao tuangiia aomata taekan te Maiu aei ni kabane.”

M'akuri 7:38

Boni ngaia are mena i buakoia aomata n te rereua. E mena ikekei ma ara bakatibu ao te anera are taetae nakoina n te maunga are Tinai; e anganaki taeka ni kamaiu b'a e na anganira.

M'akuri 8:37

E taku Biribo nakon te iunaki, Ko na b'abetitoaki ngkana ko onimaki ma nanom ni koaua. Ao ngaia e taku, I kakoaua b'a Iesu Kristo bon Natin te Atua.