Ioane 6:61 - Te B'aib'ara

⁶¹ E ataia Iesu i nanona ae a ngurengure ana reirei i bukin taeka akekei, ma ngaia are E titirakiniia ao E taku, “A uruaki ami onimaki n taeka akekei?

Ioane 6:61 Iomraidhean Croise

Mataio 11:6

Ao e a kab'aia ane aki tarai baika I karaoi b'a te kanganga nakon ana onimaki.”

Mataio 17:27

Ma ti aki kani kauniia aomata aikai. Ma ngaia ae ko na nako n te nama, ao tewea nako am ao ma matauna, ao anaa te moa n ika ane teke; ao ngkana ko kaurea wina, ao ane ko na kunea te m'ane iai. Ko na anaia ao anganiia i buku ao i bukim.”

Ioane 16:19

E atai nanoia Iesu ae a kan titirakinna, ma ngaia are E taku nakoia, “E kaangai au taeka, ‘Ai ti teutana, ao kam na aki norai; ao ai manga ti teutana riki i mwina, ao kam na manga norai.’ Ngaia aei ae kam i titiraki iai iroumi b'a kam kan ata nanona?

Ioane 21:17

E a manga taku riki Iesu nakoina, “Timon, ae natin Ioane, ko tangirai?” E rawawata nanoni Betero ngke E katenua ana tai Iesu ni kaangai nakoina, “Ko tangirai?” Ao e taku nakoina, “Te Uea, Ko atai b'aai ni kabane; Ko ataai b'a I tangiriko.” E taku Iesu nakoina, “Kakaam'arakeia au tiibu.

Ioane 6:64

Ma iai i buakomi aika aki onimaki.” B'a Iesu E a kaman ataiia rimoa b'a antai ake aki onimaki, ao antai teuare na kam'anea.

Ebera 4:13

Bon akea te b'ai teuana ae karikaki ae na raba mai Rouna; ma a bane b'aai ni kakiaki rabunaia ma ni kaotaki raoi i matan Teuare Ngaia ae ti nangi taekin arora nako Ina.

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.