Ioane 6:42 - Te B'aib'ara

⁴² Ao a taku, “Tiaki Iesu Teuaei, are natin Ioteb'a? Ti kinaa tamana ma tinana. E na kanga ngkanne ni kaangai, I ruo mai karawa?”

Ioane 6:42 Iomraidhean Croise

Mareko 6:3

Tiaki te kabenta Teuaei, are Natin Nei Maria, ao are tarin Iakobo, ma Iote, ma Iuta, ma Timon? Ao tiaki a mena m'anena i roura ikai?” Ao a kaoti mataia n ribaia.

Ruka 4:22

A bane aomata ni kaoti kukurein nanoia i Rouna n aia taeka, ao a mimi n taeka aika nako mai wiina b'a a kamaiu nano; ao a taku, “Tiaki natin Ioteb'a Teuaei?”

Ioane 1:45

Ao Biribo e kunea Natanaera ao e taku nakoina, “E a reke iroura Teuare koreaki taekana irouni Mote ni bokin te Tua ao irouia burabeti: bon Iesu are te I-Natareta, are natin Ioteb'a.”

Ioane 3:13

Akea te aomata ae rierake nako karawa, ma bon ti Teuae ruo mai karawa, ae Natin te Aomata.”

Ioane 6:38

B'a I roko mai karawa, tiaki i bukini karaoan nanou, ma i bukini karaoan nanon Teuare kanakomaiai.

Ioane 6:43

E kaekaia Iesu ao E taku nakoia, “Kam na katoki ngurenguremi.

Ioane 6:62

Iangoia b'a kaanga tera ae na riki ngkana arona b'a kam nora Natin te Aomata b'a E rierake nakon te tabo are E mena iai ngkoa?

I-Rom 9:5

ao a riki mairouia bakatibu; ao Kristo, ngkai bon te aomata Ngaia, boni kaain aia botannaomata. Ao te Atua are tautaeka i aoni b'aai ni kabane, ana b'ai te neboaki n aki toki. Amen.

1.I-Korinto 15:47

E riki te moa n aomata mai aon te aba, ao e karikaki man te tano; te Aomata are te kauoman boni mai karawa.

I-Karatia 4:4

Ma ngke e a koro raoi taina, ao te Atua E kanakoa Natina. E bungiaki iroun te aine, ao E mena i aan te Tua,