Ioane 6:32 - Te B'aib'ara

³² E taku ngkanne Iesu nakoia, “Bon te koaua ni koaua ae I a tuangngkami b'a tiaki Mote ae anganingkami te am'arake mai karawa, ma Tamau ae anganingkami te am'arake ni koaua mai karawa.

Ioane 6:32 Iomraidhean Croise

Taian Areru 78:23

Ma E taetae nakon taian nang, Ao E tua b'a a na uki mataroani karawa;

Te Otinako 16:4

Ao E taku te UEA nakoni Moote, “Ngkai N nang kab'aka te am'arake mai karawa kaanga te karau i bukimi ni kabane. A na otinako aomata ni katoa bong n rikoi kanaia ae bon tau i bukin anne. Ao N na kona ni kataia n te aro anne b'a a na iri au kaetieti ke a na aki.

Te Otinako 16:8

Ao e taku Moote, “Bon te UEA ae na anganingkami te iriko are kam na kanna nakon te tairiki, n ai aron m'aitin te kariki ae kam kakanna n te ingabong, i bukina b'a E a tia n ongo m'aitin ngurenguremi nako Ina. B'a ngkana kam ngurengure nako ira, ao kam boni ngurengure iai nakon te UEA.”

Ioane 1:9

Bon arei te Oota ni koaua, are E roko i aon te aba, ao E oota i aoia aomata ni kabaneia.

Ioane 15:1

“Ngai te kai ae te kureebe ni koaua, ao Tamau te tia ribana.

Ioane 6:31

A kangi maana ara bakatibu n te rereua, n ai aron are koreaki ni kaangai: ‘E anganiia te am'arake mai karawa b'a kanaia.’ ”

Ioane 6:33

B'a te am'arake ae E anga te Atua boni Ngaia ae ruo mai karawa, ao E anga te maiu nako aonnaba.”

Ioane 6:35

E taku Iesu nakoia, “Boni Ngai te am'arake ni kamaiu; ane nako iu ao e na bon aki manga kona ni baki, ao ane onimakinai ao e na bon aki taka.

Ioane 6:41

A ngureakinna ngkanne I-Iutaia i bukina ngke E kaangai, “Ngai te am'arake are ruo mai karawa.”

Ioane 6:50

Aio te am'arake are ruo mai karawa, are e na kanna te aomata ao e na aki mate.

Ioane 6:55

B'a bon te am'arake ni koaua irikou, ao bon te ninima ni koaua raraau.

Ioane 6:58

Aei te am'arake are ruo mai karawa; tiaki aron te am'arake are a kanna ami bakatibu, ao a mate i mwina. Te aomata ane kana te am'arake aei, ao e na maiu n aki toki.”

I-Karatia 4:4

Ma ngke e a koro raoi taina, ao te Atua E kanakoa Natina. E bungiaki iroun te aine, ao E mena i aan te Tua,

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.