Ioane 6:31 - Te B'aib'ara

³¹ A kangi maana ara bakatibu n te rereua, n ai aron are koreaki ni kaangai: ‘E anganiia te am'arake mai karawa b'a kanaia.’ ”

Ioane 6:31 Iomraidhean Croise

Neemia 9:15

Ngkana a baki, ao Ko kanakoa te kariki mai karawa, ao ngkana a taka, ao Ko katiinakoa te ran man te b'a. Ao i mwiina, Ko tuangiia b'a a na taua te aba are Ko a tia ni karaoa am berita ae e matoa iai.

Neemia 9:20

Am tangira ae e roko raoi boni ngaia ae e reireiniia, ao Ko anganiia te maana b'a a na kanna ao te ran b'a a na nimma.

Taian Areru 105:40

Ngke a bubuti, ao E kanuaia n te am'arake ae bati mai karawa, ake taiani mannikiba.

Te Otinako 16:35

Ao a kang maana Iteraera i nanon 40 te ririki ni karokoa rokoia i Kanaan, are a tekateka raoi iai.

Ioane 6:32

E taku ngkanne Iesu nakoia, “Bon te koaua ni koaua ae I a tuangngkami b'a tiaki Mote ae anganingkami te am'arake mai karawa, ma Tamau ae anganingkami te am'arake ni koaua mai karawa.

Ioane 6:49

A kangi maana ami bakatibu n te rereua, ao a mate.

Ioane 6:58

Aei te am'arake are ruo mai karawa; tiaki aron te am'arake are a kanna ami bakatibu, ao a mate i mwina. Te aomata ane kana te am'arake aei, ao e na maiu n aki toki.”

1.I-Korinto 10:3

A bane ni kana te am'arake n Tamnei ae ti te arona, are E anganiia te Atua ni m'aakana

Te Tua-Kaua 8:3

ma ngaia are, E karaoingkami b'a kam na baki. Ao i mwiina E anganingkami te maana, te aekaki n am'arake ae a bon tuai man ongongo taekana ami bakatibu. E reireiningkami te UEA b'a a aki ti kainanoa te am'arake aomata i bukin maiuna--a kainanoa Ana taeka ni kabane te UEA ake E taekin.

Iotua 5:12

Ao e toki b'akan te maana n te bong naba arei, e aki manga reke i rouia kanoan Iteraera, ao mai ikanne are a moana iai am'arakeia man taian am'arake ake a kona n reke mai aon te aba are Kanaan.

Te Kaotioti 2:17

“Ane iai taningana n ongo ao ke e ongo ana taeka te Tamnei are Raoiroi nakoia ekaretia. “Ane tokanikai ao I a anganna te maana are raba, ao N na anganna te atibu ae mainaina ma te ara ae boou ae koreaki i aona, ae te ara ae akea temanna ae ataia b'a ti ane anganaki.