Ioane 6:29 - Te B'aib'ara

²⁹ E kaeka Iesu ao E taku, “Te b'ai ae E tangiria te Atua b'a kam na karaoia bon aei: kam na onimakina ae E a tia ni kanakomaia.”

Ioane 6:29 Iomraidhean Croise

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Mareko 16:16

Ane onimaki ao e b'abetitoaki, ao e na kamaiuaki; ma ane aki onimaki ao e na kabuakakaki.

Ioane 3:36

Ane onimakina te Nati ao e reke i rouna te maiu are aki toki; ao ane aki ongotaeka nakon te Nati, ao e na aki reke i rouna te maiu, ma e memena unin te Atua i aona.

Ioane 5:39

Kam ukeuke n te B'aib'ara b'a kam taku b'a e na reke mai iai iroumi te maiu are aki toki; ao boni ngaia are kaotioti i buku;

Ioane 6:28

Ma ngaia are, a titirakinna ni kaangai, “Tera ae ti riai ni karaoia b'a ti aonga ni karaoa iai are E tangiria te Atua?”

Ioane 6:38

B'a I roko mai karawa, tiaki i bukini karaoan nanou, ma i bukini karaoan nanon Teuare kanakomaiai.

Ioane 6:57

Ngkai E kanakomaiai te Tama are mai Rouna te maiu, ao Ngai I maiu i bukin te Tama, ao te aomata ngkanne ane kanai e na maiu i buku.

M'akuri 16:31

Ao ngaiia a taku, “Ko na onimakina te UEA are Iesu, ao ko a kamaiuaki iai ma am utu.”

1.I-Tetaronike 1:3

ngkai ti aki toki, i matan te Atua are Tamara n ururinga ami m'akuri ae kanoan ami onimaki, ma ami m'akuri korakora ae kanoan ami tangira, ao ami kaantaninga ae nene i nanon ara Uea are Iesu Kristo.

Ebera 5:9

ao ngke E a bobonga raoi arona, ao E riki iai b'a te tia karika te maiu are aki toki nakoia ni kabaneia aika ira nanona;

Iakobo 2:22

Ko noria ngkanne b'a te onimaki e m'am'akuri n ana m'akuri Aberaam, ao e kakoroaki raoi ana onimaki n ana m'akuri.

1.Ioane 3:23

Ao aio ana tua, b'a ti na onimakina aran Natina are Iesu Kristo, ao ti na i tangitangiri, n ai aron taekan te tua are E anganira te Atua.

1.Ioane 5:1

Aomata nako aika kakoaua b'a Iesu bon te Kristo a bungiaki mairoun te Atua; ao aomata nako aika tangira Teuare karikiia, ao a tangira naba Teuare a bungiaki mai Rouna.

Te Kaotioti 2:26

Ao ane tokanikai, ma ni karaoi baike I tuangnga b'a e na karaoi ni karokoa te toki, ao N na anganna te m'aaka n tauu taekaia botannaomata;