Ioane 6:2 - Te B'aib'ara

² A iria aomata aika rangi ni m'aiti i bukina b'a a tia n noori ana m'akuri aika kamimii ni kamaiuaia aoraki.

Ioane 6:2 Iomraidhean Croise

Mataio 12:15

Ao Iesu, ngke E ata are a iangoia B'aritaio, ao E kitana ikekei; ao a iria aomata aika rangi ni m'aiti, ao E kamaiuia ni kabane ake iai aorakiia,

Mataio 13:2

Ao a botaki aomata aika m'aiti i rarikina, ma ngaia are E toka n te booti ao E tekateka iai, ao a tei aomata n ua kaan ma mataniwin te nama.

Mataio 14:14

Ngke E aerake man te booti, ao e noriia aomata aika rangi ni m'aiti; ao E nanoangaiia, ao E kamaiuia aia aoraki.

Mataio 8:1

Ngke E ruo Iesu man te maunga, ao a iria aomata aika rangi ni m'aiti.

Mareko 1:45

Ao e taon nako, ao e a moana naba tataekinan te baerei ni katanoata rongorongona. Ma ngaia are E aki kona n rin n te kawa Iesu, ma E a mena naba n taabo ake aki maekanaki. Ao a kawaria aomata man taabo nako.

Mareko 6:33

A m'aiti aomata ake a noriia n nako, ao a kinaia; ma ngaia are a m'ananga mani kaawa nako ao a biribiri n ri moa ri aon te aba, ao a roko n te tabo arei i m'ain rokon Iesu ma ana reirei.

Ioane 11:47

Ma ngaia are, a tewea te kabowi aia mataniwi ibonga ma B'aritaio, ao a taku, “Tera ae ti na karaoia? B'a a bati m'akuri aika kamimii aika E karaoi te aomata arei.

Ioane 12:18

Aei bukin are E a butim'aeaki iai Iesu irouia aomata aika bati, b'a a ongo ae E a tia ni karaoa te m'akuri ae kamimii arei.

Ioane 12:37

E boni ngae ngke E kabatiai ni karaoi ana m'akuri aika kamimii i mataia, ma a bon aki onimakinna,

Ioane 2:11

Aei te moa ni m'akuri ae kamimii are E karaoia Iesu i Kana i Kariraia; E kaota iai arona b'a E mimitong, ao a onimakinna ana reirei.

Ioane 2:23

Ngke E mena Iesu i Ierutarem n tain te Toa are te Riao, ao a m'aiti aomata ake a onimakinna, ngke a noori m'akuri aika kamimii ake E karaoi.

Ioane 20:30

A bati riki m'akuri aika kamimii aika E karaoi Iesu i mataia ana reirei, aika m'akuri aika aki koreaki n te boki aei;

Ioane 3:2

E nako n Iesu n te tairiki teuana, ao e taku nakoina, “Te Tia Reirei, ti ataiko b'a te tia reirei ae Ko nako mai mairoun te Atua: b'a e aki kona te aomata ni karaoi m'akuri aika kamimii aika Ko karaoi, ngkana E aki mena i rouna te Atua.”

Ioane 6:14

Ao aomata ngke a nora te b'ai are kamimii are E karaoia Iesu, ao a taku, “Bon aei te burabeti are nangi roko i aonnaba!.”

Ioane 6:22

N te bong are i mwina, ao aomata ake a mena i mainikun te nama a tia n noria b'a ti tewaana te booti ikekei, ao a ataia naba b'a E aki toka Iesu i rarikia ana reirei n te boti arei; a tia n nako ana reirei n ti ngaiia.

Ioane 6:26

E kaekaia Iesu ao E taku, “Bon te koaua ni koaua ae I a tuangngkami, b'a kam ukoukorai tiaki i bukina ngke kam noori m'akuri aika kamimii, ma i bukina ngke kam kang kariki ao kam ngae.

Ioane 6:30

Ma ngaia are, a taku nakoina, “Tera te m'akuri ae kamimii ae Ko na karaoia b'a ti aonga n noria, ao ti a kakoauako iai? Tera ae Ko na karaoia?