Ioane 6:19 - Te B'aib'ara

¹⁹ Ngke a tia ni bwenarina i nanon tao nimaua ke onoua te kiromiita, ao a nora Iesu b'a E nakonako i aon te nama, ni kaania te boti; ao a maku.

Ioane 6:19 Iomraidhean Croise

Iobi 9:8

Bon akea temanna ae buoka te Atua ngke E taakina nako karawa, ke ngke E toubekaa nukan te mannikaakang ae kakamaaku are i taari.

Taian Areru 29:10

E tautaeka te UEA mai aon ana kaintokanuea b'a bon Ngaia Uean te ieka n aki toki.

Taian Areru 93:4

E korakora m'akan te UEA n tautaeka i karawa, E korakora riki nakon rurungaan nanoni marawa, Ao nakoia naao aika korakora.

Etekiera 27:26

ao e borau i nanoni marawa, ma ko taerake n te angmainiku ae e nene.

Iona 1:13

Ma, a bon kabanea moa korakoraia kaimoa ni bwetua ni iangoa rokoia n te aba, ma e rikirake riki korakoran te buaka n te aro are a aki ataia b'a a mena ia.

Ruka 24:13

Ao noria, a nako uoman mai buakoia uakekei, n te bongi naba arei, nakon te kawa ae arana Em'auti, ae tao itiua te maire raroana ma Ierutarem.

Ruka 9:42

Ngke e tabe n roko te teei ni mm'aane, ao te taimonio, e boaketana ao e kaatikitikia. Ao Iesu, E takua te anti are kam'araa, ao E kamaiua te teei ni mm'aane, ao E anga nakon tamana.

Ioane 11:18

E kaani Betania ma Ierutarem, tao a kani koro uoua te maire raroaia;

Ioane 14:18

“N na bon aki kitaningkami ni kaaki taekami. I a manga okiringkami.

Ioane 6:18

E a roko buakan te nama i bukin te ang b'a e korakora karena.

Ioane 6:20

Ma E taku nakoia, “Boni Ngai, tai maku.”

Te Kaotioti 14:20

Ao e toutouaki b'ain taonani kureebe i tinanikun te kaawa, ao e ti nako te raraa mai iai, ao e raanga nako tao uabubua te maire, ao rietana tao nimaua te buti mai aontano.

Te Kaotioti 21:16

E tikuea te kaawa, b'a ti te bo ab'akina ma rababana. E anaa ab'akin te kaawa ma rababana n ana kai ni baire, ao e anaa naba rietana: teuana tengaa ao nimabubua te maire ab'akina, ae ti te bo ma rababana ao rietana.