Ioane 5:42 - Te B'aib'ara

⁴² Ma I ataingkami b'a akea tangiran te Atua i nanomi.

Ioane 5:42 Iomraidhean Croise

Ruka 16:15

Ma E taku nako ia: Ngkami aika kam karaoiroingkami i mataia aomata, ma E atai nanomi te Atua; b'a te b'ai ae kakannato irouia aomata ao bon te b'ai ae ribaaki i matan te Atua.

Ioane 2:25

ao akea ae E kainanoia b'a e na tuangnga aroia aomata, b'a E bon ata are i nanon te aomata.

Ioane 21:17

E a manga taku riki Iesu nakoina, “Timon, ae natin Ioane, ko tangirai?” E rawawata nanoni Betero ngke E katenua ana tai Iesu ni kaangai nakoina, “Ko tangirai?” Ao e taku nakoina, “Te Uea, Ko atai b'aai ni kabane; Ko ataai b'a I tangiriko.” E taku Iesu nakoina, “Kakaam'arakeia au tiibu.

Ioane 5:41

“I aki kakaea te kamoamoaki mairouia aomata.

Ioane 5:43

I nako mai n aran Tamau, ao kam rawa ni kan reitaki ma Ngai; ma ngkana e roko temanna bon i bukina, ao kam kan reitaki ma ngaia.

Ioane 5:44

Kam na kanga ni kona n onimakinai ngkai kam butim'aea te kamoamoaki mairoun temanna ma temanna, ao kam aki ukoukora te kamoamoaki mairoun Temanna are bon ti Ngaia te Atua?

Ioane 8:42

E taku Iesu nakoia, “Ngke arona b'a te Atua Tamami, ao kam na tangirai, b'a I nako mairoun te Atua. I aki nako mai n oin nanou, ma E kanakomaiai.

Ioane 8:47

Ane mairoun te Atua, ao e ongo ana taeka te Atua; ma tiaki mairoun te Atua ngkami, ma ngaia ae kam aki kan ongo.”

Ioane 8:55

Kam aki ataia; I ataia Ngai. Ngkana I taku b'a I aki ataia, ao N na riki b'a te tia kewe Ngai n ai aromi; ma I ataia ao I ongeaba nakon ana taeka.

I-Rom 8:7

B'a nanon te rab'ata bon te riba te Atua, b'a e aki mena i aan ana tua te Atua, ao e bon aki kona;

1.Ioane 2:15

Kam na tai tangira te aonnaba ae bubure, ao tai tangiri naba b'aina nako. Ngkana e tangira aonnaba ae bubure te aomata, ao akea i nanona tangiran te Tama.

1.Ioane 3:17

Ma ane iai ana b'ai aika b'ain te maiu aei, ao ngkana e nora tarina b'a iai kain nanona, ma e aki nanoangaia, ao e na kanga n taku b'a e mena i nanona tangiran te Atua?

1.Ioane 4:20

Ngkana e kangai temanna, I tangira te Atua, ao ngkana e ribaa tarina, ao bon te tia kewe ngaia; b'a ane aki tangira tarina ae e a tia n noria, ao e aki kona n tangira te Atua ae e tuai noria.

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.