Ioane 5:30 - Te B'aib'ara

³⁰ Akea te b'ai ae I kona ni karaoia n aron te m'aaka ae iai irou. I motiki-taeka n ai aron tuangau iroun Tamau, ao e eti au motiki-taeka i bukina b'a I aki ukoukora are oin nanou, ma I ukoukora nanon Tamau are kanakomaiai.

Ioane 5:30 Iomraidhean Croise

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

Taian Areru 96:13

Ngkana E roko te UEA n taua taekan aonnaba. E na tautaekaniia aomata nako i aonnaba n te eti ma te aki nanonano.

Itaia 28:6

E na nooria b'a e na tautaeka te eti ao a na konaa ni kaawakina aia kaawa ae e buubura ana Aomata.

Teb'ania 3:15

E a tia ni katoka oream te UEA; E a tia ni kanakoia am kairiribai. E a mena i buakomi te UEA ae aia uea Iteraera. Bon akea te b'ai ae ti na riai ni maaku iai.

Mataio 26:39

Ao E nako riki teutana, ao E katorobubua ni bobaraaki i aontano ao E tataro ni kangai, “Tamau, ngkana e konaki, ao e na nako mai Rou te m'angko ni karawawata aei; ma tiaki nanou ae na iraki, ma nanom.”

Ioane 14:10

Ko aki kakoauaa b'a Ngai i nanon Tamau, ao Tamau i nanou? Baika I atongi nakoimi, I aki atongi man oin nanou; ma E karaoi baika E bairei b'a E na karaoi Tamau ae maeka i nanou.

Ioane 17:4

I a tia n neboiko i aon te aba, ni katiaan te m'akuri are Ko anganai b'a N na karaoia;

Ioane 18:11

E taku ngkanne Iesu nakoni Betero, “Karina am kabaang i nanoni nena; e kanga, N nang aki moi ni m'angkon te rawawata ae E a tia n anganai Tamau?”

Ioane 4:34

E taku Iesu nakoia, “Kanau bon te ongeaba nakon nanon Teuare kanakomaiai, ao te katia ana m'akuri.

Ioane 5:19

E kaekaia Iesu ngkanne ao E taku nakoia, “I tuangngkami ma te koaua, b'a akea te b'ai ae E kona ni karaoia te Nati i bon i rouna, ma ti are E noria b'a E karaoia te Tama; b'a b'aai ake E karaoi te Tama, ao E karaoi naba te Nati.

Ioane 6:38

B'a I roko mai karawa, tiaki i bukini karaoan nanou, ma i bukini karaoan nanon Teuare kanakomaiai.

Ioane 8:28

Ma ngaia are, E taku Iesu nakoia, “Ngkana kam a tia n tabeka rake Natin te Aomata ni katinea i aon te kaibangaki, ao kam a ataia iai b'a boni Ngaia Ngai, ao akea te b'ai ae I karaoia n oin nanou; ma I atongi baikai n ai aron reireiau iroun te Tama.

Ioane 8:42

E taku Iesu nakoia, “Ngke arona b'a te Atua Tamami, ao kam na tangirai, b'a I nako mairoun te Atua. I aki nako mai n oin nanou, ma E kanakomaiai.

Ioane 8:50

I aki ukoukora neboakiu. Ma iai ane ukoukoria, ao E motiki-taeka.

I-Rom 15:3

B'a E aki kakukureia i bon i rouna Kristo; n ai aron are koreaki ni kaangai, “A b'akarai aia taeka n iowawa ake a taetae n iowawa nako im.”

I-Rom 2:2

Ma ti ata ana motiki-taeka te Atua b'a e eti nakoia akana karaoi baikai.

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.