Ioane 5:28 - Te B'aib'ara

²⁸ Kam na aki mimi n aei: b'a ane na roko te tai ae a na bane iai n ongo b'anaana aomata ake a tia ni mate,

Ioane 5:28 Iomraidhean Croise

Itaia 26:19

A na manga maiu am aomata! Tuangiia b'a a na kiitan ruanimateia ao a na kukurei ni bukamaru ma n takaarua. Ko kabooua te aonnaba kaanga aoin te ingabong; ko anga te maiu nakon te mate.

Taniera 12:2

Ao ane a na m'aati aika a manga maiu aika a tia ni mate: tabeman a na kukurei n te maiu ae akea tokina, ao tabeman a na uti nakon te kamamaaeaki ae akea tokina.

Otea 13:14

E bon riai Irou Ngai ae te UEA b'a N na kamaiungkami man te mate ma te ruanimate? I aki! I wetea te mate ma te ruanimate b'a e na oreingkami kaanga rokon te kai. I rawa ni kaota te nanoanga.

Ioane 3:7

Tai mimi n au taeka are kaangai nako im, Kam riai ni manga bungiaki.

Ioane 4:21

E taku Iesu nakoina, “Neiko, ko na kakoauaai b'a ane na roko te tai are a na aki taromauria iai te Tama aomata i aon te maunga aei, ke i Ierutarem.

Ioane 4:23

Ma e a tabe n roko te aoa, ao ngaia e a kaman roko, are a na angan te Tama taan taromauri ni koaua taromauriana ni m'akan te Tamnei are Tabu, ao taromauriana n aron are E tangiria: b'a aikai aekan aomata aika E tangiriia te Tama.

Ioane 5:20

B'a E tangira te Nati te Tama, ao E kaoti ana m'akuri ni kabane nakoina, ao ane E na kaoti riki nakoina m'akuri aika ab'ab'aki riki b'a kam aonga ni mimi.

Ioane 5:25

Bon te koaua ni koaua ae I a tuangngkami b'a e a roko te tai, ma e a boni kaman roko, ae a na ongo iai b'anaan Natin te Atua maate; ao a na maiu akana ongo.

M'akuri 24:15

Boni iai ae I kaantaningaia mairoun te Atua, ae a kaantaningaia naba: b'a iai te manga-maiu irouia aomata aika raoiroi ma aika buakaka aika tia ni mate.

M'akuri 3:12

Ngke e nooriia aomata Betero n te aro arei, ao e taku nakoia: Mm'aane aika Iteraera, kam aera ngkai kam mimi iroun teuaei? Ao kam aera ngkai kam katokai matami n taraira b'a aongkoa ti kanakonakoa teuaei n oini m'akara ma raoiroira i matan te Atua?

1.I-Korinto 15:22

B'a ngke e reke te mate irouia aomata ni kabaneia mairoun Atam, ao ai aroia naba b'a a na bane n reke i rouia te manga uti mairouni Kristo.

I-Biribi 3:21

are E na oniki rab'atara aika mangori, b'a a na riki n ai aron rab'atana ae mimitong, ni kabonganaan te m'aaka are E kona iai n tauu taekani b'aai ni kabane.

Te Kaotioti 20:12

Ao I nooriia maate, ake te koraki ake a kakannato ma ake a mangori, b'a a tei i nanoaan te kaintokanuea; ao a kaukaki niira ni boki. E kaukaki naba te niira ni boki teuana, ae bokin te maiu. Ao a motikaki taekaia maate ni kaeti ma baike a tia ni karaoi, n ai aron taekaia ake a koreaki n taian niira ni boki akekei.