Ioane 5:2 - Te B'aib'ara

² Iai i Ierutarem, i rarikin aia mataroa tiibu, te nei ae aranaki n te taetae n Ebera b'a Beteteta ae iai taabo aika nimaua iai aika rabunaki aoia i bukin te katantan.

Ioane 5:2 Iomraidhean Croise

Neemia 12:39

ma te Mataroa are Eberaim, ma te Mataroa are B'ainikawai, ma te Mataroa are Ika, ma te Taua are Ananera, ma te Taua are Tebubua, ao ni karokoa te Mataroa are Tiibu. Ao n te kabanea ti a toki n te mataroa are Aia Mataroa Taan Tei,

Neemia 3:1

Aikai aomata ake a buoka manga katean oon ao Mataroan nako Ierutarem: Te ibonga ae e rietaata are Eriatiba ao ibonga ake tekorakina a manga katea te Mataroa are Tiibu ao a katinetinei mataroana. Ao i mwiina, a katabua te Mataroa are Tiibu ao m'akoron te oo ni karokoa te Taua are Tebubua ao te Taua are Ananera.

Neemia 3:32

A karaoa te kabanea ni m'akoro n te oo taani karaokoora ao taani kabob'ai, are e biri man ruun te koona ni karokoa te Mataroa are Tiibu.

Itaia 22:11

Ao i mwiina, kam karaoa te tangke ae e buubura i marenan taiani oo i bukin nnen te ran. Ma kam rawa n onimakina te Atua are e baairei b'aai aikai n taai aika a b'aka nako ao e a kakoroi bukiia ngkai.

Itaia 22:9

Kam noori taiani kiri b'angab'anga n oon Ierutarem are mai tinaniku, ao kam karokoa te ran man nnen te ran are inano.

Ioane 19:13

Ma ngaia are, ngke e ongo taeka akanne Birato, ao e kaira Iesu ni kaotinakoa, ao e tekateka i aon ana kai n tekateka te tia moti n te tabo are a wene ni baireaki iai atiibu aika kaanga atirababa. Aran te tabo arei n te taetae n Ebera boni Kabata.

Ioane 19:17

Ao E oti nako man te kaawa Iesu, n uota ana kaibangaki i bon i rouna, nakon te tabo are aranaki b'a te tabo n Tab'anou, are e aranaki n te taetae n Ebera b'a Korokota.

Ioane 19:20

Ao a wareka te koroboki arei I-Iutaia aika bati, b'a e kaani ma te kaawa te tabo are E kamateaki iai Iesu n te kaibangaki; ao a koreaki taeka akekei n te taetae n Ebera, n te taetae n Ratine ao n te taetae n Erene.

Ioane 20:16

E taku Iesu nakoina, “Nei Maria.” E rairaki Nei Maria ao e taku nakoina n te taetae n Ebera, “Raaboni.” (ae nanona, “te Tia Reirei”.)

Ioane 5:3

A wene n taabo aikai aoraki aika bati; iai naba i buakoia aika matakii ma aika m'auku, ao aika mate b'ain rab'ataia.

Ioane 7:21

E kaekaia Iesu ao E taku nakoia, “I karaoa te m'akuri teuana ae kamimii, ao kam bane ni mimi iai.

M'akuri 21:40

Ao ngke e kariaia, ao e tei B'auro n te tabo n nakonako ni waerake, ao e taotaona baina nakoia aomata. Ngke ai bon akea naba teutana te karongoa, ao e taetae nakoia n te taetae n Ebera, ao e kaangai:

Te Kaotioti 16:16

Ao a ikotiia uea nako n te tabo ae aranaki n te taetae n Ebera b'a Aremaketon.

Te Kaotioti 9:11

Iai aia uea b'a aneran te tabo are Abuto. Aran te anera anne n te taetae n Ebera bon Abaton, ao n te taetae n Erene Aboruon.