Ioane 5:14 - Te B'aib'ara

¹⁴ E aki rangi ni maan i mwin arei, ao Iesu E nora teuarei n te Tembora, ao E taku nakoina, “Noria, ko a tia ni kamaiuaki, ma ngaia are ko na aki manga bure, b'a e kaawa n riki nako im te b'ai ae buakaka riki.”

Ioane 5:14 Iomraidhean Croise

2.Rongorongo 28:22

Bon i mwiin rikin kaangaanga aikai nakon Aati, ao e bon manga bure naba nakon te UEA n ae e a rangi ni korakora riki nakon are mai m'aaina.

Neemia 9:28

Ma ngkana a mena i nanon te rau, a na manga rairaki ni kaaitarako, ao Ko na anga ngaiia nakoia aia kairiribai. Ao i mwiina, ane a na buubuti buokaia, ao Ko na kamaiuia n te tai teuana ma teuana i bukin korakoran am nanoanga.

Taian Areru 118:18

E a tia ni karaoa ae N na rangi ni karawaawataaki iai, Ma E aki anga ngai nakon te mate.

Taian Areru 18:22

I taratarai ana tua ni kabane n iri nanoia; I tuai aki ongeaba nakon ana taeka.

Taian Areru 27:6

Ma ngaia ae N na tokanikai i aoia aiau aika otab'aniniai. N na angakarea i nanon ana um'antabu ma te b'ana ni kim'areirei; N na anene ni kamoamoa te UEA.

Taian Areru 9:13

Te UEA, Ko na nanoangaai! Noora b'ainikirinau irouia ake a ribaai. Kararoaai man te mataroa are e kaineta te mate,

Itaia 38:20

Ko na kamaiuai, Ngkoe te UEA, ao ni kabane ara bong ni maiu ti na anene i nanon am Tembora n taian b'ainikatangitang aika taiani karai.

Itaia 38:22

Ao i mwiina, e a kakaaea te kakoaua Etekia b'a e na manga taromauri n ana Tembora te UEA.

Nakoaia Ibonga 13:20

E na tuoa te ibonga, ao ngkana e taraa n nano riki te maneka nakon te kun are i tinanikuna ao a manga mainaina burae akana iai, ao e na katanoataa b'a e kam'araa. Bon aorakin te kun ae e kakamaaku ae e moana rikina man te kaboa.

Nakoaia Ibonga 26:27

I mwin aei ngkana kam boni kakaitaraa naba,

Nakoaia Ibonga 7:12

Ngkana arona b'a iai te m'aane ae e karaoa te karea aei b'a te karea ni kaaitau nakon te Atua, ao e na riai ni kaotia, n reitaki ma te man are e na kareanaki, te angab'ai are te kariki are e aki itinaki: e konaa n ae te kariki are e mmani ae e karaoaki man te buraawa ae e renganaki ma te oera, ke te berena ae e bururuaki aona n te oera, ke te keeke ae e karaoaki n te buraawa ae e renganaki ma b'aan te oriwa.

Mataio 12:45

Ao e nako ni kairiia itiman anti aika buakaka riki nako ina, ao a rin ao a maeka iai; ao e a buakaka riki aron te aomata arei nakon arona are rimoa. Ao ai aron naba ae na riki nakon te roro ae buakaka aei.”

Mareko 2:5

Ao Iesu, ngke E noori aia onimaki, ao E taku nakon te nakibaina, “Natiu, a kab'araki am bure.”

Ioane 5:13

Ma teuare kamaiuaki e aki ataia b'a antai Teuare E kamaiua, b'a a bati aomata n te tabo arei, ao E a kamani butaki nako Iesu mai buakoia.

Ioane 5:5

Iai temanna i buakoia aoraki akekei ae ai tenibwi ma wanua ana ririki n aoraki.

Ioane 8:11

Ao e taku neierei, “Te Uea, akea.” E taku ngkanne Iesu nakoina, “Ao Ngai I aki motika naba taekam; ko na nako, ao tai manga bure.”

1.Betero 4:3

Kam riai n aki manga karaoi baika kam karaoi ngkoa ngke kam iri nanoia aomata ake tiaki Kristian, ni maiu ni kaitataan ma ni kaib'ab'aru, ma ni manging, ma ni bobotaki ni manging ni kukurei ni kammaira, ma n iri taromauriani bouananti aika taromauri aika bati n ribaki.