Ioane 5:10 - Te B'aib'ara

¹⁰ Ma ngaia are, a taku I-Iutaia nakon teuare kamaiuaki, “Te Taabati aei, ao e aki riai b'a ko na tabeka nem ni wene.”

Ioane 5:10 Iomraidhean Croise

Itaia 58:13

Ma i m'aain anne, kam na riai moa ni karinea te Taabati ae kaanga ai aron kakukurein te bong n taromauri. Kam riai ni katoka karaoan ao tataekinan te b'ai ae kam tangiria ni karaoia n te bong ae e rine aei.

Ieremia 17:21

Ngkana kam kan kariki maiumi b'a b'aai aika a kakaawaki,

Ieremia 17:27

Ma ngkana kam teimatoa n uouoti b'aai i nanon mataroan te kaawa akanne n te Kaitibong ao n teimatoa n karaoia b'a te bong n aki akaaka, ao N na kaurai taian mataroa aikai ma ni kab'aka te kaawa, n reitaki ma nonona nako.

Mataio 12:10

ao noria, e mena iai te aomata ae e mate baina. Iai aomata tabem'aang ake a kani karekea kabuakakan Iesu, ma ngaia are a taku nako Ina, “E riai n taekan te tua b'a ti na katoki aoraki n te Taabati ke aki?”

Mareko 2:24

Ma ngaia are a taku nako Ina B'aritaio, “Noria, e ekakinako ara tua n te b'ai ane a karaoia am reirei n te Taabati!”

Mareko 3:4

Ao E taku nakoia aomata, “Eti ma taekan te tua i bukin te Taabati b'a ti na karaoa ae raoiroi ke ae buakaka? B'a ti na kamaiua te aomata ke ti na kamatea?” Ao a aki kaekaa.

Ruka 13:14

Ao e un te tia taua taekani m'aneabaia I-Iutaia iroun Iesu ngke E kamaiu n te Taabati, ao e taku nakoia aomata, “Iai boong aika onoua ake a riai ni karaoaki m'akuri iai; rooko ni boong akanne b'a kam na kamaiuaki iai, ma tiaki n te bong ae te Taabati.”

Ruka 23:56

A oki ngkanne, ao a karaoi baika boiarara ma kabira. A motirawa n te Taabati n ai aron taekana n te tua.

Ruka 6:2

A noraki irouia B'aritaio tabem'aang, ao a taku nako ia, “E aera ngkai kam karaoa ae ekaanako te tua i bukin te Taabati?”

Ioane 1:19

Ao aikai ana taeka Ioane nakoia ibonga ma taian Rewi ake a kanakoaki nakoina irouia I-Iutaia mai Ierutarem, b'a a na titirakinna ni kaangai, “Antai ngkoe?”

Ioane 5:11

Ao e kaekaia ni kaangai, “E tuangai Teuare kamaiuai ni kaangai, Tabeka nem ni wene ao nakonako.”

Ioane 5:15

E nako teuarei, ao e tuangiia I-Iutaia b'a ngaia Iesu are E kamaiua.

Ioane 5:16

Ma ngaia are, a b'ainikirina Iesu I-Iutaia i bukina ngke E karaoa te m'akuri ni kamaiu n te Taabati.

Ioane 7:23

Ngkana e korotabonim'aneaki te aomata n te Taabati, n te aro ae e aki uruaki iai te tua are e anga Mote, ao tera bukin ae kam na un iai irou ngkai I kamaiua te aomata n te Taabati?

Ioane 9:16

Ma ngaia are, a taku tem'angina irouia B'aritaio, “Te aomata are karaoa aei bon tiaki mairoun te Atua, b'a E aki kawakina tuan te Taabati.” Ao tem'angina a taku, “E na kanga ni kona ni karaoi m'akuri aika kamimii aika ai aron aei te aomata ae buakaka?” Ao a aki boraoi n aia iango.