Ioane 4:34 - Te B'aib'ara

³⁴ E taku Iesu nakoia, “Kanau bon te ongeaba nakon nanon Teuare kanakomaiai, ao te katia ana m'akuri.

Ioane 4:34 Iomraidhean Croise

Iobi 23:12

I karaoi Ana mwioko ni kabane ake E tuangai b'a N na karaoi.

Taian Areru 40:8

Ai kukurei ra ngai ni karaoa ae Ko tangiria, Atuau! I kawakina am Tua i nanou.

Mataio 26:39

Ao E nako riki teutana, ao E katorobubua ni bobaraaki i aontano ao E tataro ni kangai, “Tamau, ngkana e konaki, ao e na nako mai Rou te m'angko ni karawawata aei; ma tiaki nanou ae na iraki, ma nanom.”

Mataio 3:15

Ao Iesu E kaeka ni kangai, “Kariaia ngkai: b'a te b'ai ae riai i roura b'a ti na karaoi b'aai ni kabane ake E tangiri te Atua.” Ao e kariaia Ioane.

Mataio 9:19

E tei rake Iesu, ao E airi ma ana reirei n iria.

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

Ruka 19:10

B'a E roko Natin te Aomata b'a E na ukoukoria akana bua ao E na kamaiuia.

Ruka 2:49

Ao Ngaia E kangai nako ia, “E aera b'a kam na kakaaeai? Kam aki ataia ae I riai ni mena n ana auti Tamau?”

Ioane 17:4

I a tia n neboiko i aon te aba, ni katiaan te m'akuri are Ko anganai b'a N na karaoia;

Ioane 19:28

I mwin aei, ngke E ataia Iesu b'a a tia b'aai ni kabane, ao b'a e aonga ni kakoroaki bukin te taeka are koreaki n te B'aib'ara, ao E taku, “I taka.”

Ioane 19:30

Ao ngke E tia ngkanne Iesu ni katoonga te wain arei, ao E taku, “E a tia!” Ao E karara atuna, ao E anga tamneina.

Ioane 4:32

Ma E taku nakoia, “Bon iai te am'arake irou ae N na kanna ae kam aki ataia.”

Ioane 5:30

Akea te b'ai ae I kona ni karaoia n aron te m'aaka ae iai irou. I motiki-taeka n ai aron tuangau iroun Tamau, ao e eti au motiki-taeka i bukina b'a I aki ukoukora are oin nanou, ma I ukoukora nanon Tamau are kanakomaiai.

Ioane 5:36

Ma iai te b'ai ni kakoaua i buku ae moamoa riki nakon are kaotiotia Ioane: boni baika I karaoi, aika m'akuri ake E anganai te Tama b'a N na karaoi; a riki b'a b'ai ni kakoaua i buku, ao a kaotia b'a E kanakomaiai te Tama.

Ioane 6:33

B'a te am'arake ae E anga te Atua boni Ngaia ae ruo mai karawa, ao E anga te maiu nako aonnaba.”

Ioane 6:38

B'a I roko mai karawa, tiaki i bukini karaoan nanou, ma i bukini karaoan nanon Teuare kanakomaiai.

Ioane 8:29

E memena irou Teuare kanakomaiai; E aki kitanai ni katukai n ti Ngai, i bukina b'a I aki toki ni kakaraoa te baere E kukurei iai.”

M'akuri 20:35

I a tia ni kaotia nakoimi n aaro nako b'a ti riai ni buokiia aika mamara n te aro aei, ae te bekutata, n aki m'aninga ana taeka te UEA are Iesu, are kaangai, “E kakab'aia riki te anga nakon te anganaki.”

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.