Ioane 4:23 - Te B'aib'ara

²³ Ma e a tabe n roko te aoa, ao ngaia e a kaman roko, are a na angan te Tama taan taromauri ni koaua taromauriana ni m'akan te Tamnei are Tabu, ao taromauriana n aron are E tangiria: b'a aikai aekan aomata aika E tangiriia te Tama.

Ioane 4:23 Iomraidhean Croise

1.Rongorongo 29:17

Ma ti kukurei b'a a tia aomata ni kabane n anganano ni baikai. Ko bon atai nanoia aomata ni kabane, ao ko boni kukurei ngkana a karaoa ae e raoiroi aomata nako.

Taian Areru 147:11

Ma E anaaki nanona irouia akana karinea, akana onimakina ana Tangira ae Teimatoa.

Taian Areru 17:1

Te UEA, ko na ongora au bubuti i bukin am motikitaeka ae eti Anga taningam nakoni b'anaau ni kani buokaki! ae nako mai nanou ni koaua.

Taian Areru 32:2

E a kab'aia te aomata ane aki kabuakakaaki iroun te UEA, Ane akea naba te aro ni m'am'anaa te aba i rouna.

Taian Areru 51:6

Ko tangira te nano ae b'ab'aina te eti ma te koaua; Kaonai ni wanawanam.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Ana Anene Toromon 2:14

Bon au taobe ngkoe ae raba i buakon taiani b'a i rarikin katatin te aba. Kariaia b'a N na noora kanikanim! Kariaia b'a N na ongo b'anaam ae e tangiraoi.

Itaia 10:20

E na roko te tai are a na ti onimakina UEAN Iteraera ae e tabu nikira ni maiu ake a roko mai Iteraera ao Iuta, n onea mwiin onimakinaia botannaomata ake a konaaki irouia.

Itaia 29:13

E a tia ni kaangai te UEA: “A neboai aomata aikai n aia taeka ma bon akea raoi nanoia i Rou. A taromauriai ni kakaokioki taian tua ake a karaoaki i rouia aomata.

Itaia 43:21

I karikiia b'a oin au botannaomata, b'a a aonga n neboai.

Itaia 58:2

Kam katoa bong n taromauria ao kam taraa ni kan atai ana reirei nako. Kam karaoa aron te botannaomata ae e kan karaoa ae e raoiroi n ongotaeka nakon ana Tua nako. Buubutia ana motikitaeka ae e eti, ao taekinna b'a ko tangiria n taromauria te UEA.

Ieremia 3:10

Ao te b'ai riki ae moan te buakaka, te botannaomata ae Iuta ngke e bakaaea te okirai.

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

Etekiera 22:30

I tarataraa temanna are e na tei i bukin te kaawa ma ni kamanoa man uniu, ao ai uana naba ma katokan uruakana Irou. Ma bon akea temanna ae e reke.

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

Ioane 12:23

Ao E kaekaia Iesu ao E taku, “E a roko te aoa are E na neboaki iai Natin te Aomata.

Ioane 16:2

Ane kam na tukaki b'a kam na aki manga roko ni m'aneabaia I-Iutaia, ao e na roko te aoa are e na taku iai ane kamateingkami b'a ngke e karaoa aei, ao e karaoia i bukin neboan te Atua.

Ioane 16:32

Noria, e a roko te aoa, ao e a boni kaman roko, are kam na kauamaaeaki nako iai nakoni mwengami nako, ao kam na kitanai ni katukai n ti Ngai; ma iai raou b'a Tamau.

Ioane 4:21

E taku Iesu nakoina, “Neiko, ko na kakoauaai b'a ane na roko te tai are a na aki taromauria iai te Tama aomata i aon te maunga aei, ke i Ierutarem.

Ioane 5:25

Bon te koaua ni koaua ae I a tuangngkami b'a e a roko te tai, ma e a boni kaman roko, ae a na ongo iai b'anaan Natin te Atua maate; ao a na maiu akana ongo.

Ioane 5:28

Kam na aki mimi n aei: b'a ane na roko te tai ae a na bane iai n ongo b'anaana aomata ake a tia ni mate,

I-Rom 1:9

B'a te Atua bon te tia kakoauai au taeka, ao boni Ngaia ae I toro i rouna n tamneiu i bukin tataekinan euangkerion Natina, b'a I aki toki n uringngkami

I-Rom 8:15

B'a te Tamnei are kam anganaki E aki karikingkami b'a tooro, ao E aki karika te maku i nanomi; ma kam anganaki te Tamnei ae e natinaki te aba i rouna, ao ae ti a kona i rouna ni kaangai iai: “Aaba Tamara!”

I-Rom 8:26

Ao ai aron naba te Tamnei b'a E buobuokira ni mamarara: b'a ti aki ata arora n tataro ae riai, ma E bubuti te Tamnei i bukira ni ngirangira aika a aki konaaki n atongaki aroia.

I-Karatia 4:6

Ao ngkai naati ngkami, ao te Atua E kanakoa Tamnein Natina nako nanora, are E tataro ni kaangai, “Aaba, Tamara.”

I-Ebeto 6:18

Ao kam na tataro n aki toki n taian tataro ni kabane ma bubuti, n ai aroni kairami iroun te Tamnei; ao kam na kamarurungngkami nako iai, ma n aki b'ara n nano, ni bubuti i bukiia ake a itiaki ni kabaneia,

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

Iotua 24:14

E a manga taku riki Iotua, “Ma ngaia ae ngkai, kam na karinea te UEA, tooro i rouna ma te koaua ao te kakaonimaki. Tai manga taromauriia anti n aroia ami bakatibu ngkoa i Metobotamia ao i Aikubita. Ma kam na taromauriia te UEA n ti ngaia.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

1.Tamuera 12:24

Kam na riai n ongotaeka iroun te UEA Kam na riai n taromauriia ma nanomi ni kabane, ao uringi b'aai ni kabane aika ab'ab'aki ake E a tia ni karaoi i bukimi.