Ioane 4:19 - Te B'aib'ara

¹⁹ E taku te aine nakoina, “Teuaei, I ataiko b'a te burabeti Ngkoe.

Ioane 4:19 Iomraidhean Croise

2.Uea 5:26

Ao e taku Eritai, “Ko aki ataia b'a e mena tamneiu n te tabo are e ruo iai Naaman man ana kaanibuaka ni butim'aiko? Keati, bon akea kariaiakam b'a ko na butim'aea te m'ane, ke te kunnikai, ma nne n aroka aika oriwa ao nnen arokan te kureebe, ma taian atiibu ke taiani kao, ke taani m'akuri.

2.Uea 6:12

Ao e taku temanna mai buakoia, “Te uea ae ko karineaki. Bon akea mai buakora. Ma bon te Iteraera ae arana Eritai. Bon te burabeti ngaia, ma ngaia are, e konaa n tuanga ana uea b'aai ni kabane, e ngae naba ngkana taian rongorongo aika ko taekin i nanon ae bon oin am ru.”

Mataio 21:11

Ao a taku aomata ake a ira Iesu, “Bon Iesu are te burabeti Teuaei mai Natareta are i Kariraia.”

Ruka 24:19

Ao Ngaia E kangai nako ia, “Ae b'aai baikara?” Ao a kaeka ni kangai, Ae taekan Iesu are te I-Natareta, are kaota aroni kakoauana, ni baika E karaoi ao n ana taeka, b'a te burabeti Ngaia i matan te Atua ma aomata ni kabaneia.

Ruka 7:16

Ao a bane n rotaki n te maaku; ao a kamoamoa te Atua ni kangai: “E kaoti te burabeti ae kakannato i buakora! Ao, E kawariia ana aomata te Atua.”

Ruka 7:39

Ao te B'aritaio are kaoa Iesu, ngke e nora te baerei, ao e taku i nanona, “Ngke arona b'a te burabeti Teuaei, ao E na kaman ataia b'a antai te aine aei, ae riingnga, ao arona, b'a te aine ae buakaka.”

Ioane 4:18

b'a niiman ngkoa buum, ao te mm'aane ane ko taanga ma ngaia ngkai bon tiaki buum: te koaua ane ko atongnga.”

Ioane 4:29

“Nako mai nora te aomata are tuangai b'aai ni kabane ake I a tia ni karaoi. Tao ngaia te Kristo?”

Ioane 6:14

Ao aomata ngke a nora te b'ai are kamimii are E karaoia Iesu, ao a taku, “Bon aei te burabeti are nangi roko i aonnaba!.”

Ioane 7:40

Iai tabeman i buakoia aomata ake a bati aika ongo ana taeka Iesu aikai, ma ngaia are a taku, “Teuaei bon te Burabeti!”

Ioane 9:17

Ma ngaia are, a manga taku B'aritaio nakon teuare matakii ngkoa, “Ko taku b'a E kaure matam; tera am taeka i bukina?” Ao ngaia e taku, “Bon te burabeti.”

Te Tua-Kaua 18:15

Ma, E na rinea temanna mai buakoia ami aomata b'a te burabeti ae ai arou, ao kam na karaoa te b'ai are taekinna te burabeti.