Ioane 4:14 - Te B'aib'ara

¹⁴ ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

Ioane 4:14 Iomraidhean Croise

Itaia 49:10

A na bon aki konaa ni baki ke n taka; a na aki namakina kabuebuen taai ke angin te rereua aika a kabuebue N na bon aki nanoanga ngkana I kairiia i nanon karaangan raan.

Itaia 55:1

Nakomai mooi n te ran ngkana ko taka! Nakomai kana te b'ai ae ko kan kanna, ngkana akea am m'ane! Mooi n te wain ao te miriki ae akea boona.

Itaia 58:11

E na kairingkami n taai nako te UEA ma ni katauraoi b'aai aika a raoiroi i bukin kanami ngkana kam mena i nanon te rereua. E na angan rab'atami te marurung raoi. Kam na riki b'a kaanga te nne n aroka ae e m'aiti iai te ran ke te karaanga n ran ae a aki konaa n iki.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Ieremia 31:25

A na manga reke maiuia ma korakoraia koraki akana a kua ma ni kainano,

Etekiera 47:9

A na m'aiti aekakin maan ma ika, i bukina b'a e na uota te maiu ao te ran ae e raoiroi nakon Taari are Mate.

Nakoaia Ibonga 11:36

a aki kona ni kam'araa taian koburake n ran ke taian tabwena ni b'a ake a kawakinaki iai raan ngkana e b'aka ni mate iai te man anne, ma a na kam'araa aomata ake a kanakoa rab'atan te man anne mai ikanne, ke b'aai ni kabane ake a bo ma rab'atan te man anne.

Mataio 25:46

Ao e taku Iesu, “Ane a na bane n nako nakon reken te kai are aki toki. Ma ake a raoiroi a na nako nakon te maiu are aki toki.”

Mataio 5:6

A a kab'aia akana b'aruua te raoiroi mani kani mooi iai b'a a na ngae.

Ioane 10:10

Bukin rokon te tia iraa bon ti te iraa, te kamaamate ao te urub'ai; ma I roko b'a e aonga n reke i rouia te maiu ae koro raoi arona.

Ioane 11:26

ane maiu ao e onimakinai, ao e na bon aki mate. Ko kakoaua aei?”

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 4:11

E taku neierei nakoina, “Teuaei, akea am b'ai n iti ran, ao e nano te m'anib'a; ko karekea maia ngkanne te ran ni kamaiu?

Ioane 4:13

E kaeka Iesu ao E taku nakoina, “Ane moi n te ran aei ao e na manga taka,

Ioane 4:36

Ane bobooti uaa nakoni neia ngkana a tai ao e kaboaki, ao e boti uaa i bukin te maiu are aki toki; b'a a aonga n uaia ni kim'areirei te tia ununiki ma te tia bobooti uaa.

Ioane 6:27

Kam na aki m'akuri ni karekea te am'arake ae kai buakaka, ma kam na uaiakina reken te am'arake ae teimatoa, ae te am'arake i bukin te maiu are aki toki.”

Ioane 6:35

E taku Iesu nakoia, “Boni Ngai te am'arake ni kamaiu; ane nako iu ao e na bon aki manga kona ni baki, ao ane onimakinai ao e na bon aki taka.

Ioane 6:58

Aei te am'arake are ruo mai karawa; tiaki aron te am'arake are a kanna ami bakatibu, ao a mate i mwina. Te aomata ane kana te am'arake aei, ao e na maiu n aki toki.”

Ioane 7:37

N te kabanea ni bong ae kakannato n tain te Toa are te Um'anrianna, ao E teirake Iesu, ao E kanenea b'anaana ni kaangai, “Ane kani mooi, ao ke e nako iu b'a e na moi!

I-Rom 5:21

B'a aron te bure ngke e noraki arona n uea n te mate, ao ai arona naba b'a e na uea te akoi ni kaetan arora n reitaki ma te Atua, ao ni kairira naba nakon te maiu are aki toki iroun Iesu Kristo are ara UEA. Ao te bure e karokoa te mate, ao a bane n rotaki aomata ni kabaneia n te mate i bukina b'a a bane ni bure.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

2.I-Korinto 1:22

are E kanikinaira b'a ana b'ai, ao E anganira te Tamnei i nanora b'a te kakoaua i bukini baika kawakinaki i bukira.

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.

Te Kaotioti 7:16

Ane a na aki manga baki, ao a na aki manga taka; ao e na aki manga riringa taai i aoia, ao a na aki rotaki ni kabuebuena;

Te Kaotioti 7:17

ao te Tiibuteteei are i nanoaan te kaintokanuea, E na kawakinia n ai aron te tia kawakin-tiibu, ao E na kairiia nakoni koburaken raan aika kamaiu; ao te Atua E na kaoi rannimataia ni kabane mai mataia.”