Ioane 3:5 - Te B'aib'ara

⁵ E taku Iesu, “Bon te koaua ae I a tuangko, b'a ngkana e aki bungiaki te aomata n te ran ma te Tamnei are Tabu, ao e aki kona n rin n uean te Atua.

Ioane 3:5 Iomraidhean Croise

Mataio 18:3

ao E taku: E koaua ae I a tuangngkami, b'a ngkana kam aki bitii aromi ao kam aki katotoong aroia ataei, ao kam na bon aki kona n rin n Uean te Atua.

Mataio 19:24

Ao I a manga taku nako imi, b'a e kai rin nako riki te kamero ni b'angab'angan te neiran nakon ane kaub'ai, ngkana e kan rin n Uean te Atua.”

Mataio 21:31

Antai ae toua mwin ana taeka tamana irouia uake uoman? A taku nako Ina, “Te karimoa.” E taku Iesu nako ia, E koaua ae I a tuangngkami b'a a ri moami taan anai taekiti ma aine aika kabekaau nako nanon Uean te Atua.

Mataio 28:19

Ma ngaia ae kam na nako ni karikia aomata nako b'a au reirei, ni b'abetitoia nako nanon aran te Tama ma te Nati ma te Tamnei are Raoiroi,

Mataio 3:11

I b'abetitoingkami n te ran b'a kaotan ae kam a tia n rairi nanomi, ma Teuae na roko i mwiu E kakannato riki nako iu, ao I aki tau b'a N na uouoti ana kauniwae; E na b'abetitoingkami n te Tamnei are Raoiroi, ma te ai.

Mataio 5:20

B'a I taku nako imi b'a ngkami kam aki kakororaoa riki nanon te Atua nakon are a karaoia taani koroboki ma B'aritaio, ao kam aki kona n rin n Uean te Atua.

Mareko 10:14

Ngke E nora aei Iesu ao E rin, ao E taku nakoia ana reirei, “Kanakomaia ataei nako Iu, ao tai tukiia; b'a Uean te Atua bon aia b'ai ataei aika ai aroia aikai.

Mareko 16:16

Ane onimaki ao e b'abetitoaki, ao e na kamaiuaki; ma ane aki onimaki ao e na kabuakakaki.

Mareko 9:47

Ao ngkana e kairiko matam teuana nakoni karaoan te bure, ao autia, kaki; b'a e raoiroi riki nakon ae ko kawakini matam aika uoua ao ko karenakoaki i Keenna,

Ruka 13:24

Kakorakoraingkami b'a kam na rin n te mataroa are wariki; b'a I taku nako imi b'a a bati aika ukoukora te kan rin iai, ma a aki kona.

Ruka 13:3

I taku nako imi, A aki! ma ngkana kam aki rairi nanomi, ao kam na bane ni mate n ai aroia.

Ruka 13:5

I tuangngkami, A aki; ma ngkana kam aki rairi nanomi, ao kam na bane ni mate n ai aroia.

Ioane 1:13

ake a bungiaki tiaki n aroia ataei ake a riki mairouia tamaia aika aomata; ma E karikiia te Atua b'a natina.

Ioane 3:3

E kaeka Iesu ao E taku, “Bon te koaua ae I a tuangko b'a ngkana e aki manga bungiaki” te aomata, ao e aki kona n nora uean te Atua.

Ioane 3:4

E taku Nikotemo nakoina, “E na kanga ni manga moa ni bungiaki te aomata ngkana e a kara? E aki kona ni manga rin i nanoni biroton tinana b'a e na manga bungiaki!”

M'akuri 2:38

Ao e taku Betero nakoia, “Rairi nanomi, ao kam na bane ni b'abetitoaki n aran Iesu Kristo i bukini kab'araan ami bure; ao kam na anganaki te b'ai n tituaraoi are te Tamnei are Raoiroi.

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

I-Rom 14:17

B'a tiaki uean te Atua te am'am'arake ma te momooi, ma bon te katei ni maiu are karaoan nanon te Atua, ma te rau, ma te kim'areirei ake ti anganaki iroun te Tamnei.

I-Rom 8:2

B'a ana tua te Tamnei, are karekea te maiu nako ira i nanoni Kristo Iesu, e kainaomataai man ana tua te bure ma te mate.

1.I-Korinto 15:50

Ao aio au taeka, taari: e aki kona ni karekea uean te Atua te iriko ma te raraa, ao e aki kona naba ni karekea te aki mka te mka.

1.I-Korinto 2:12

Ao ngaira ti aki anganaki te tamnei ae b'ain aon te aba, ma ti anganaki te Tamnei are mairoun te Atua, b'a ti na atai ana b'ai n tituaraoi te Atua nako ira.

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

I-Karatia 6:15

B'a e aki kakawaki te korotabonim'aneaki ke te aki-korotabonim'aneaki, ma e kakawaki reken te maiu ae boou ni maiun te aomata.

I-Ebeto 5:26

E karaoa aei b'a E na katabua te ekaretia i bukin te Atua n ana taeka, n tebokia ni kaitiakia n te ran,

1.Betero 1:2

akana rineaki n ai aron nanon ma ana baire ma ngkoangkoa te Atua ae te Tama, ao a katabuaki maiuia iroun te Tamnei b'a ana b'ai te Atua, b'a kam na ongeaba iroun Iesu Kristo ma ni kaitiakaki n raraana. A na kabatiaki nakoimi te akoi ma te raoi.

1.Betero 3:21

Ao te b'abetito, are aekan te ran arei, e kamaiungkami ngkai, tiaki ni kaitiakan te baareka man te rab'ata, ma n te kaeka nakon te Atua mani mataniwin te nano ae itiaki. E kamaiungkami ni manga-utin Iesu Kristo;

1.Ioane 2:29

Ngkana kam ataia b'a E kakaraoa nanon te Atua, ao kam ataiia naba akana kakaraoa nanon te Atua b'a a bane ni bungiaki mai Rouna.

1.Ioane 5:1

Aomata nako aika kakoaua b'a Iesu bon te Kristo a bungiaki mairoun te Atua; ao aomata nako aika tangira Teuare karikiia, ao a tangira naba Teuare a bungiaki mai Rouna.