Ioane 3:26 - Te B'aib'ara

²⁶ A roko iroun Ioane ao a kaangai nakoina, “Te tia reirei, ko nora teuare mena ma ngkoe i mainikun Ioretan, are ko tataetae i bukina? Ae mena ngkai ikai ni b'ab'abetito, ao a bane aomata n nakoina!”

Ioane 3:26 Iomraidhean Croise

Taian Areru 65:2

i bukina ngkai Ko kaekai tataro. A na bane n roko nakoim aomata man taabo nako

Te Minita 4:4

Ao i mwiina, I a tib'a ataia b'a ti m'akuri ma ni karaoi baika a raoiroi, i bukina ngke ti bakantang irouia tem'angina. Bon akea nanon riki te baei b'a bon ti kakiokioan te ang.

Itaia 45:23

I a tia ni karaoa te berita ae e matoa, ae akea temanna ae e konaa n urua; A na bane ni boobaraaki aomata ni kabane ma n taromauriai.

Mataio 23:7

A tangiria b'a a na kamauraki n te aro ni karinerine n taabo ni m'akete, ao b'a a na atongaki irouia aomata b'a taan reirei.

Mataio 23:8

Ma ngkami, kam na aki atongaki b'a ‘Taan Reirei’, b'a ti temanna ami Tia Reirei, ao taari ngkami ni kabaneingkami.

Ioane 1:15

E tataekinna Ioane, ao e kanenea b'anaana ni kaangai, “Bon aei Teuare I taekinna ngke I kaangai, Teuare roko i mwiu, E kakannato riki nako iu b'a ai kaman iai Ngaia ma ngkoa i m'aini bungiakiu.”

Ioane 1:7

E roko b'a te tia kakoaua ngaia i bukin te Oota arei, b'a a aonga ni bane aomata n onimaki n ana kaotioti.

Ioane 1:9

Bon arei te Oota ni koaua, are E roko i aon te aba, ao E oota i aoia aomata ni kabaneia.

Ioane 11:48

Ngkana ti katikua b'a E na waaki nako n arona aei, ao a na boni bane aomata n onimakinna, ao ane a na roko I-Rom n urua ara tabo ma ara botannaomata.”

Ioane 12:19

A i taetae ngkanne B'aritaio i rouia, ni kaangai, “Kam noria b'a akea te bae kam kona ni karaoia; noria, e a bane n nako te aba n iria.”

Ioane 3:2

E nako n Iesu n te tairiki teuana, ao e taku nakoina, “Te Tia Reirei, ti ataiko b'a te tia reirei ae Ko nako mai mairoun te Atua: b'a e aki kona te aomata ni karaoi m'akuri aika kamimii aika Ko karaoi, ngkana E aki mena i rouna te Atua.”

Ioane 4:1

Ngke E ataia Iesu b'a a tia n ongo B'aritaio ae E karekeia ana reirei ni kam'aitiia riki nakoni m'aitiia ana reirei Ioane, ao E b'abetitoia n aron naba are e karaoia Ioane nakoia ana reirei

Ioane 4:2

(ma tiaki Iesu ae b'ab'abetito b'a bon ana reirei),

Ioane 4:31

A butia ngkanne Iesu ana reirei ni kaangai, “Te Tia Reirei, Ko na am'arake.”

Ioane 5:33

Kam kanakoia taani kareke-rongorongo nakon Ioane, ao ngaia e taekini baika koaua i buku.