Ioane 3:13 - Te B'aib'ara

¹³ Akea te aomata ae rierake nako karawa, ma bon ti Teuae ruo mai karawa, ae Natin te Aomata.”

Ioane 3:13 Iomraidhean Croise

Taeka n Rabakau 30:4

A tia ni waerake tabeman nako karawa mani manga ruorikaaki? Iai ae e a tia n rawea te ang i nanoni baina? Iai ae e a tia ni batiana taari ke ni kanikinaai taian tia n te aonnaba? Ngkana iai ae ko ataia b'a e a tia ni karaoi baikai, ao anganai araia ao aran natiia.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Mataio 8:20

E taku Iesu nako ina, “Iai nneia ni maeka kameaanti ao ngaoia manin aan-nang, ma akea nnen Natin te Aomata ae E na kawenea iai atuna.”

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

Ioane 13:3

ao Iesu, n ataakina i rouna b'a E a tia Tamana ni kaaki b'aai ni kabane i aani m'akana, ao b'a E roko mairoun te Atua ao E na manga oki nakon te Atua,

Ioane 17:5

ao ngkai, Tamau, Ko na kamimitongai ike Ko mena iai, n te mimitong are mimitongiu ma Ngkoe, ngke e tuai ni karikaki aonnaba.

Ioane 3:12

Ngkana I tuangngkami b'ain aon te aba, ao kam aki kakoauaai iai, ao kam na kanga ni kakoauaai ngkana I tuangngkami b'aini karawa?

Ioane 3:31

Teuare nako mai karawa E kakannato riki nakoia aomata ni kabaneia. Ane nako mai aon te aba, ao boni kaain aon te aba, ao e taekini b'ain aon te aba; ma Teuare nako mai karawa e kakannato riki nakoia aomata ni kabaneia.

Ioane 6:33

B'a te am'arake ae E anga te Atua boni Ngaia ae ruo mai karawa, ao E anga te maiu nako aonnaba.”

Ioane 6:38

B'a I roko mai karawa, tiaki i bukini karaoan nanou, ma i bukini karaoan nanon Teuare kanakomaiai.

Ioane 6:42

Ao a taku, “Tiaki Iesu Teuaei, are natin Ioteb'a? Ti kinaa tamana ma tinana. E na kanga ngkanne ni kaangai, I ruo mai karawa?”

Ioane 6:46

Tiaki nanona b'a iai ae e a tia n nora te Tama; ti Teuare mairoun te Atua ae E a tia n nora te Tama.

Ioane 6:51

Ngai te am'arake ae reke te maiu mai iai are ruo mai karawa. Ane kana te am'arake aei, ao e na maiu n aki totoki; ao te am'arake ae N na anga i bukini maiun te aonnaba bon irikou.”

Ioane 6:62

Iangoia b'a kaanga tera ae na riki ngkana arona b'a kam nora Natin te Aomata b'a E rierake nakon te tabo are E mena iai ngkoa?

Ioane 8:42

E taku Iesu nakoia, “Ngke arona b'a te Atua Tamami, ao kam na tangirai, b'a I nako mairoun te Atua. I aki nako mai n oin nanou, ma E kanakomaiai.

M'akuri 2:34

B'a e aki rierake Tawita nako karawa, ma e kaangai, “E taku te Uea nakon au Uea, Ko na tekateka i angaataiu,

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

I-Rom 10:6

Ma aomata ake a reke kaetan aroia n reitaki ma te Atua n te onimaki a aki kona n titiraki ni kaangai, “Antai ae na rierake nako karawa?” (Ae nanona, b'a antai ae na kaira ri kaaki Kristo nako ira).

1.I-Korinto 15:47

E riki te moa n aomata mai aon te aba, ao e karikaki man te tano; te Aomata are te kauoman boni mai karawa.

I-Ebeto 1:23

ao te ekaretia bon rab'atani Kristo, ao onrakeni Kristo bon kakororaoan aron b'aai ni kabane n taabo nako,

Te Tua-Kaua 30:12

A aki mena ana Tua i karawa, ma ngaia are, bon akea aonami ni kaangai, Ti na kanga n ongotaeka nakon ana Tua te UEA? Ao a mena i karawa, ao bon akea ae kona ni waerake n anai ma ni uoti rikaaki ma ni kab'arab'arai nakoira.