Ioane 21:16 - Te B'aib'ara

¹⁶ E a manga taku naba Iesu nakoina, “Timon, ae natin Ioane, ko tangirai?” E taku Timon nakoina, “Eng, te Uea; Ko a ataai b'a I tangiriko.” E taku Iesu nakoina, “Kakawakiniia au tiibu.”

Ioane 21:16 Iomraidhean Croise

Taian Areru 100:3

Kam na ataa te UEA b'a bon te Atua Ngaia. Boni Ngaia ae karikira, ao ana b'ai ngaira; Bon ana Aomata ngaira, aika E kakawakinira b'a kanga ai aroia tiibu.

Taian Areru 95:7

Bon Atuara Ngaia; Ana aomata ngaira aika E tararuaira, kanga ai aron te tia kawakin-tiibu n tabeakiniia ana nanai n tiibu. N te bong aei, ao kam na ongora n te bae E na taekinna:

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Mataio 2:6

‘Ao ngkoe ae Betereem ae kawan Iuta, ko ataaki irouia ake a tautaeka i Iuta; b'a te kawa teuana i buakoni kawana ake a rangi ni kakannato, b'a E na nako mai roum te Uea are na kawakinia au aomata ake Iteraera.’ ”

Mataio 25:32

Ane a na bane ni botaki botannaomata ni kabaneia i matana, ao E na kaokoroia tekorakina mairouia tekorakina, n ai aron te tia kawakin-tiibu ngkana e kaokoroia tiibu ma kooti:

Mataio 26:72

Ao e a manga kakewea naba ana taeka neierei, ao e taetae ni bau ao e kangai, “I bon aki ata Teuarei!”

Ruka 19:10

B'a E roko Natin te Aomata b'a E na ukoukoria akana bua ao E na kamaiuia.

Ioane 18:17

E taku ngkanne neiere tantani i rarikin te mataroa nakoni Betero, “Tiaki naba ngkoe temanna i buakoia ana reirei te aomata arei?” Ao ngaia e taku, “Tiaki ngai.”

Ioane 18:25

E tabe n teitei Timon Betero n aangnga. A taku ngkanne nakoina tabeman ake a mena i rarikina, “Tiaki boni ngkoe naba ana reirei temanna?” E rawa Betero n taekana aei, ma ngaia are e taku, “Tiaki ngai.”

Ioane 21:17

E a manga taku riki Iesu nakoina, “Timon, ae natin Ioane, ko tangirai?” E rawawata nanoni Betero ngke E katenua ana tai Iesu ni kaangai nakoina, “Ko tangirai?” Ao e taku nakoina, “Te Uea, Ko atai b'aai ni kabane; Ko ataai b'a I tangiriko.” E taku Iesu nakoina, “Kakaam'arakeia au tiibu.

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,

1.Betero 2:25

B'a kam tiotio nako ngkoa n ai aroia tiibu; ma kam a oki ngkai nakon te Tia Kawakini maiumi ma te Tia Tararuai.

1.Betero 5:2

kam na tararua raoi ana nanai te Atua ma ni kawakinna raoi, tiaki n te aro ae kam kairoroaki iai; ma kam na kawakinna ma te nano ni kukurei n ai aron nanon te Atua. ao kam na kawakinna naba, tiaki i bukin te kanib'aib'ai n te aro ae aki riai, ma i bukina b'a bon iai nanomi ae korakora nako iai;

Te Kaotioti 7:17

ao te Tiibuteteei are i nanoaan te kaintokanuea, E na kawakinia n ai aron te tia kawakin-tiibu, ao E na kairiia nakoni koburaken raan aika kamaiu; ao te Atua E na kaoi rannimataia ni kabane mai mataia.”