Ioane 21:1 - Te B'aib'ara

¹ I mwini baikai ao E a manga kaotia Iesu nakoia ana reirei i rarikin te nama are Tiberia; ao aei arona ni kaotia:

Ioane 21:1 Iomraidhean Croise

Mataio 26:32

Ma ngkana I a manga uti, ao N na nako n rimoami nako Kariraia.”

Mataio 28:16

A nako Kariraia ana reirei Iesu ake tengauni ma temanna nakon te maunga are E a tia n tuangiia Iesu b'a a na nako iai.

Mataio 28:7

Ao kawaetataingkami n tuangiia ana reirei b'a, ‘E a tia ni manga uti mai buakoia maate; ao noria, are E a ri moami nako Kariraia; ane kam na noria ikekei!. Noria, I a tia n tuangngkami.”

Mareko 16:12

Rimwi riki, ao E kaoti n te aro ae e kaokoro iai taraana nakoia raoia ake uoman, ngke a tabe n nakonako n te tabo ae aki maekanaki.

Mareko 16:14

I mwina ao E kaoti nakoia reirei ake tengauni ma temanna ngke a am'arake; ao E takuia i bukin aia aki onimaki ao matoatoan nanoia i mwin tuangakiia irouia te koraki ake a tia n noria i mwin te tai are E a manga uti iai.

Mareko 16:7

Ma kam na nako, ao tuangiia ana reirei ma Betero naba b'a ae E ri moami nako Kariraia; ane kam na noria ikekei, n aron are E a tia n tuangngkami.

Ioane 21:14

Aei ana katenua n tai ni kaoti Iesu nakoia ana reirei i mwin te tai are E a manga uti iai mai buakoia maate.

Ioane 6:1

I mwini baikekei ao E ri nanon namani Kariraia Iesu, are e aranaki naba b'a naman Tiberia, nakon iterana are teuana.

Ioane 6:23

Ma iai tabewa booti ake a roko mai Tiberia nako rarikin te tabo are a kang kariki iai aomata i mwin ana tataro ni katituaraoi te Uea.

M'akuri 1:3

I nanon abwi te bong i mwini matena ao E kaoti nakoia n aaro aika a na aki nanokokoraki iai teutana b'a E a tia ni manga uti. E noraki i rouia n taai aika bati, ao E taekini b'ain uean te Atua nakoia.