Ioane 20:27 - Te B'aib'ara

²⁷ Ao i mwina E taku nakon Toma, “Kaki tabonibaim ikai, ao tarai baiu; ao arora mai baim ao karinna i nanon rarikiu; kaaki arom n aki onimaki, ao b'aina te onimaki.”

Ioane 20:27 Iomraidhean Croise

Taian Areru 78:38

Ma E nanoangaia ana Aomata te Atua. E kab'arai aia bure ao E aki kamateia. A bati ana tai n taotaona unna, n aki karokoa nanona.

Mataio 17:17

Ao E kaeka Iesu ao E taku, “Te roro ae akea ana onimaki, ae aki ata ae e raoiroi ma ae e buakaka, maan ra ae N na titiku iai i rarikimi? Ao maan ra taotaonakin nanou nako imi? Kairia mai nako Iu!”

Mareko 9:19

E taku Iesu nako ia, “Te botannaomata ae akea ana onimaki; tao maan ra ae N na titiku iai i rarikimi? Ao tao maan ra taotaonakin nanou nako imi? Uota mai te teinimm'aane nako Iu!”

Ruka 24:39

Kam na tarai baiu ma waeu, b'a boni Ngai; kam na riingai ao taraai: b'a akea irikon ao riin te tamnei n ai aron ae kam nori b'a iai i Rou.”

Ruka 24:40

Ngke E a tia n atonga aei, ao E kaoti baina ma waena nako ia.

Ruka 9:41

E kaeka Iesu ni kangai, “Te roro ae akea ana onimaki, ae e bure arona! Maan ra memenau i roumi ao taotaonakin nanou nako imi?” E taku nakon te rorobuaka arei, “Kaira mai natim.”

Ioane 20:20

Ngke E a tia n atonga aei, ao E kaoti baina ma rarikina nakoia. Ma ngaia are, a kukurei ana reirei ngke a nora te Uea.

Ioane 20:25

Ma ngaia are, a taku nakoina reirei akekei, “Ti a tia n nora te Uea!” Ma e taku Toma nakoia, “Ngkana I aki noori mwin neera i baina, ao I aki karina tabonibaiu i nanoni mwin neera, ao ngkana I aki karina baiu i nanon rarikina, ao I bon aki kona ni kakoauaingkami.”

Ioane 20:28

E kaeka Toma ao e taku nakoina, “Au Uea ao Atuau!”

I-Rom 5:20

Ma e roko te Tua b'a e aonga ni m'aiti te bure; ma ike e m'aiti iai te bure, ao e a manga m'aiti riki iai te akoi.