Ioane 20:26 - Te B'aib'ara

²⁶ Ao i mwini wanibong ao a manga mena i nanon te auti ana reirei, ao Toma raoia. A bono mataroa, ma E roko Iesu n tei i buakoia, ao E taku, “E na mena te rau iroumi.”

Ioane 20:26 Iomraidhean Croise

Itaia 26:12

Ko na anganiira te rau i bukina ngkai ti a tia ni karaoi ni m'aakam.

Itaia 27:5

Ma ngkana e mwiokoai te nnenaroka ni kureebe i bukin kaawakinana, ao e na riki b'a raoraou ao N na rau ma ngaia.

Itaia 54:10

A na bane ni mauna taiani maunga ma tabuki. Ma N na teimatoa n nanoanga ao n akoi nakoim; N na aki urua au booraraoi are N na angan ami botannaomata te rau.

Mataio 17:1

I mwin onobong ao Iesu E wetea Betero, ma taari ake Iakobo ma Ioane, ao E kairiia nakon te maunga teuana ae rietaata, ao a tiku iai n ti ngaiia.

Mareko 16:14

I mwina ao E kaoti nakoia reirei ake tengauni ma temanna ngke a am'arake; ao E takuia i bukin aia aki onimaki ao matoatoan nanoia i mwin tuangakiia irouia te koraki ake a tia n noria i mwin te tai are E a manga uti iai.

Ruka 24:36

Ngke a tabe n atongi baikai, ao E tei Iesu i buakoia, ao E taku nako ia, “E na mena te rau i roumi.”

Ruka 9:28

Tao wanibong i mwin ana taeka Iesu akekei, ao E kaira Betero ma Ioane ma Iakobo, ao E ararake nako aon te maunga b'a E na tataro iai.

Ioane 11:16

E taku ngkanne Toma, are aranaki b'a te Bwebwee, nakoia raona n reirei, “Ti na nako naba, b'a ti aonga ni mate ma Ngaia.”

Ioane 14:27

“I katuka te rau iroumi; I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maku.

Ioane 20:19

Ngke e a tairiki n te bong naba arei, are moa ni bongin te wiiki, ngke a kainiia ana reirei Iesu n te tabo are a mena iai, b'a a makuia I-Iutaia, ao E roko Iesu n tei i buakoia, ao E taku nakoia, “E na mena te rau iroumi.”

Ioane 20:21

E a manga taku ngkanne Iesu nakoia, “E na mena te rau iroumi. I kanakoingkami n ai aron Tamau ngke E kanakomaiai.”

Ioane 21:1

I mwini baikai ao E a manga kaotia Iesu nakoia ana reirei i rarikin te nama are Tiberia; ao aei arona ni kaotia:

Ioane 21:14

Aei ana katenua n tai ni kaoti Iesu nakoia ana reirei i mwin te tai are E a manga uti iai mai buakoia maate.

M'akuri 1:3

I nanon abwi te bong i mwini matena ao E kaoti nakoia n aaro aika a na aki nanokokoraki iai teutana b'a E a tia ni manga uti. E noraki i rouia n taai aika bati, ao E taekini b'ain uean te Atua nakoia.