Biblia Todo Logo
Bìoball air-loidhne

- Sanasan -




Ioane 20:17 - Te B'aib'ara

17 E taku Iesu nakoina, “Tai riingai, b'a I tuai n rierake nakon Tamau; ma ko na nakoia tariu ao ko na atong au taeka aikai nakoia, I rierake nakon Tamau, are Tamami naba, ao Atuau, are Atuami naba.”

Faic an caibideil Dèan lethbhreac




Ioane 20:17
48 Iomraidhean Croise  

Ao e taku Eritai, “Keati, katauraoiko ao nakon ana auti neiei. Uota okou, ao ngkana ko roko ikekei, ao ko na kawenea okou i matan te ataei ni maanee. Ko na aki tikutiku n taetae ma aomata i aon kawaim, e aoria naba ngkana a kataia n taetae nakoim.”


Ao a taetae bon irouia ao a taku, “E aki eti ae ti karaoia aei. Bon te bong ni kukurei te bong aei, ao ti tuai kaongoia aomata, ma ngaia ae ti na boni katuaaeaki ngkana ti aki kaongoia raora ni karokoa te moaningabong. Ti riai ni waekoa n nakon ana bareti te uea, ma ni kaongoia te rongorongo ae e kakukurei aei.”


N na tuangiia au botannaomata baika Ko a tia ni karaoi; N na anenea kamoamoaam n aia tai ni bootaki n taromauri.


Ao N na nako n am baonikarea, te Atua: Boni Ngkoe ae nako mairoum kukureiu. N na katanga au b'ai ni katangtang n neboiko, te Atua, ae Atuau.


Aio aron Atuara n aki toki; E na kairirira n taai nako.


E rierake nakon te tabo ae rietaata, ao E kairiia aomata aika bati ake a taenikai i rouna; E kareke angab'ai mairouia, ao mairouia naba ake a rarawa ni kan aantaeka. E na maeka n te tabo arei te UEA ae te Atua.


Ane e na kaangai nako iu, ‘Bon Tamau ao Atuau Ngkoe; te tia katanai ao te tia kamaiuai.’


Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.


Bon aei te boraraoi ae e boou ae I a manga karaoia Ngai ae te UEA ma ngkami Iteraera: “N na korea Au tua i nanoia ma aia iango. N na riki b'a Atuaia, ao a na riki b'a Au aomata.


A na riki b'a Au aomata, ao N na riki b'a Atuaia.


Kam na manga maeka riki n te aba are I anganiia ami bakatibu; kam na riki b'a Au aomata, ao Ngai N na riki b'a Atuami.


ao N na maeka i buakoia Au aomata ao N na riki b'a Atuaia.


B'a ane toua mwin ana taeka Tamau are i karawa, ao bon tariu, ao m'aneu, ao tinau.”


Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”


Ao kawaetataingkami n tuangiia ana reirei b'a, ‘E a tia ni manga uti mai buakoia maate; ao noria, are E a ri moami nako Kariraia; ane kam na noria ikekei!. Noria, I a tia n tuangngkami.”


Ao ni kaeti ma taekaia maate ake a manga uti: kam tuai ni wareware n ana boki Moote are taekinaki iai rongorongon te kai are bue, ao e kaotaki naba iai aron te Atua ngke E kangai nakoni Moote: ‘Atuan Aberaam Ngai, ao Atuan Itaaka, ao Atuan Iakob'a.’


Ngke E tia te Uea are Iesu n taetae nako ia, ao E uotaki rake nako karawa, ao E tekateka i angaatain te Atua.


Kam na aki uota te b'auti ni m'ane, nen ami b'ai, ao ami kauniwae; ao kam na aki kamauriia ni kabaneia ane kam kaitibo ma ngaiia n ami tai ni m'ananga.


I m'ain rokon te Toa are te Riao, ao E ataia Iesu b'a e a roko ana aoa ni kitana te aonnaba aei nakon Tamana. E a kaman titiku i nanona tangiraia aomata ake a onimakinna, ake a mena i aon te aba, ao E tangiriia ni karokoa te toki.


ao Iesu, n ataakina i rouna b'a E a tia Tamana ni kaaki b'aai ni kabane i aani m'akana, ao b'a E roko mairoun te Atua ao E na manga oki nakon te Atua,


E m'awawa nanon ana auti Tamau i bukin te maeka; ma ngke arona b'a akea, ao e koaua b'a N na tuangngkami ae N na nako ni katauraoi nnemi i m'aimi?


Kam ongo ngke I kaangai nakoimi, N na nako, ao N na manga okiringkami. Ngke kam tangirai, ao kam na boni kim'areirei, i bukina ngkai N na nako n Tamau; b'a E kakannato riki Tamau nako iu.


E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.


I nako mai mairoun te Tama, ao I roko i aon te aba; ao ngkai, N nang kitana te aba n nakon te Tama.”


Ao ngkai, N nangi nakoim; N nang aki tiku ni maan i aon te aba, ma a na tiku ngaiia i aon te aba. Tamau ae Ko Raoiroi, kawakinia ni m'akan aram, ae te ara are Ko anganai, b'a a aonga n riki n teuana, n ai arora.


Tamau, ae am b'ai te eti, e aki ataiko te aba, ma I ataiko; ao a ataai uaakai ae Ko kanakomaiai.


ao ngkai, Tamau, Ko na kamimitongai ike Ko mena iai, n te mimitong are mimitongiu ma Ngkoe, ngke e tuai ni karikaki aonnaba.


Ao i mwina E taku nakon Toma, “Kaki tabonibaim ikai, ao tarai baiu; ao arora mai baim ao karinna i nanon rarikiu; kaaki arom n aki onimaki, ao b'aina te onimaki.”


E taku Iesu, “N na kamaanai ni mena iroumi teutana riki, ao i mwina N na kitaningkami nakon Teuare kanakomaiai.


B'a te koraki ake E a kaman rineia ngkoa, E a kamani baireia naba b'a a na riki ni katotonga Natina, b'a E aonga n riki b'a te karimoa i buakoia taari aika bati.


N na riki b'a Tamami, ao ngkami kam na riki b'a natiu mm'aane ma natiu aine, bon ana taeka te UEA are Moan te M'aka.”


B'a kam a riki b'a natin te Atua ngkami ni kabaneingkami n onimakinan Kristo Iesu.


Ma a bon tangira te tabo ae raoiroi riki, are i karawa. Ma ngaia are E aki mamaa te Atua n atongaki i rouia b'a Atuaia, b'a E a tia ni katauraoa aia kawa i bukiia.


B'a aio te boraraoi ae N na karaoia ma te botannaomata ae Iteraera i nanoni boong aika na roko, bon ana taeka te Uea: N na karin au tua i nanon aia iango, ao N na koroi i nanoia. N na riki b'a Atuaia, ao ngaiia a na riki b'a au aomata.


E na karaoiroaki te Atua ae Taman ara Uea are Iesu Kristo, b'a man ana nanoanga ae bati ao ti a anganaki te maiu ae boou ma te kaantaninga ae nene ni manga-utin Iesu Kristo man te mate;


Ngkami aika kam tangiraki, bon natin te Atua ngaira ngkai; ao e tuai ni kaotaki b'a terana arora rimwi. Ti ataia, b'a ngkana E a manga oki Kristo, ao ti na katotonga arona, i bukina b'a ti na nora arona ni koaua.


Ao I ongo te b'ana man te kaintokanuea b'a e kaangai, “Noria, e mena ana um'anrianna te Atua irouia aomata! E na maeka i rouia, ao a na riki b'a ana botannaomata; ao te Atua E na memena i rouia.


Ane tokanikai ao e na b'aib'ai ni baikai; ao N na riki b'a Atuana, ao ngaia e na riki b'a natiu.


Lean sinn:

Sanasan


Sanasan