Ioane 20:16 - Te B'aib'ara

¹⁶ E taku Iesu nakoina, “Nei Maria.” E rairaki Nei Maria ao e taku nakoina n te taetae n Ebera, “Raaboni.” (ae nanona, “te Tia Reirei”.)

Ioane 20:16 Iomraidhean Croise

Karikani B'aai 22:1

Ao i mwiin te tai ae aki maan, ao E a kataa Aberaam te Atua; ao E weteia ni kaangai, “Aberaam!” Ao e kaeka Aberaam, “Aio ngai!”

Karikani B'aai 22:11

Ma E weewete aneran te UEA mai karawa ao e taku, “Aberaam, Aberaam!” Ao e kaeka Aberaam, “Aio ngai.”

Karikani B'aai 45:12

Ao e reitanako ana taeka Ioteb'a ao e taku, ‘Ma ngaia are, ngkai kam tia n noorai raoi b'a bon Ioteb'a ngai, ao ngkoe naba Beniamin,

Te Otinako 3:4

Ao ngke E nooria te UEA b'a e a roko Moote i rarikin te buakoako n aroka, ao E a wetea arana, ao e kaeka Moote, “Aio ngai.”

Te Otinako 33:17

Ma ngaia are, E taku te UEA nakoina, “N na karaoi b'aai n aron are kam a tia ni buubutiai iai, i bukina b'a bon raoraou ngkami ae I kukurei i roumi.”

Ana Anene Toromon 3:4

Bon i mwiin anne, ao e a reke irou. I taumatoaia ao I aki manga kanakoa, ao I kairiia ni karokoa ti roko n ana auti tinau.

Ana Anene Toromon 5:2

I boni matu, ao I mii: E tei teuare I tangiria i matan te mataroa, e karebwerebwe ao e taku, “Raou ae e tangiraki, ae bon ti au b'ai au taobe ae akea waewaeana, kauka te mataroa nako iu! E a makuna atuu n aoin te tairiki.”

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Mataio 14:27

Ma E waekoa Iesu n taetae nako ia, ao E taku, “Kam na karau nanomi, boni Ngai; tai maaku!”

Mareko 10:51

E titirakinna Iesu ao E taku, “Tera te b'ai ae ko tangirai iai b'a N na karaoia i bukim?” E kaeka te aomata are mataki ao e taku nako Ina, “Raboni! I kan noraba.”

Ruka 10:41

Ao E kaeka Iesu ni kangai, “Mareta, Mareta, ko iango n raraoma ao e aki rau nanom i bukini baika bati,

Ioane 1:38

E rairaki Iesu, ao E nooriia b'a a iria. E taku nakoia, “Tera ae kam ukoukoria?” A kaeka ni kaangai, “Rabi (ae nanona Te Tia Reirei), Ko maeka ia?”

Ioane 1:49

E taku Natanaera, “Te Tia Reirei, bon Natin te Atua Ngkoe; aia Uea Iteraera Ngkoe!”

Ioane 10:3

E kaukaki te mataroa nakoina iroun te tia tantani n te mataroa; a ongo b'anaana tiibu, ao e weteia ana tiibu n araia nako, ao e kairiia ni kaotinakoia.

Ioane 11:28

Ngke e a tia Mareta n atongi baikai, ao e nako ni wetea tarina are Nei Maria n te aro ni karaba, ao e taku, “E a roko te Tia Reirei, ao E kaoko.”

Ioane 13:13

Kam atongai b'a te Tia Reirei ao te Uea; ao e eti ami taeka, b'a boni Ngai.

Ioane 20:28

E kaeka Toma ao e taku nakoina, “Au Uea ao Atuau!”

Ioane 3:2

E nako n Iesu n te tairiki teuana, ao e taku nakoina, “Te Tia Reirei, ti ataiko b'a te tia reirei ae Ko nako mai mairoun te Atua: b'a e aki kona te aomata ni karaoi m'akuri aika kamimii aika Ko karaoi, ngkana E aki mena i rouna te Atua.”

Ioane 5:2

Iai i Ierutarem, i rarikin aia mataroa tiibu, te nei ae aranaki n te taetae n Ebera b'a Beteteta ae iai taabo aika nimaua iai aika rabunaki aoia i bukin te katantan.

Ioane 6:25

Ngke a kunea Iesu te koraki arei i maeaon te nama, ao a taku nakoina, “Te Tia Reirei, Ko roko ikai n ningai?”

M'akuri 10:3

Ngke tao te aoa tenua n te tanimaeaontaai, ao kanga e kamiiaki: e nora raoi ana anera te Atua b'a e rin n te tabo are e mena iai, ao e kaangai nakoina, “Korenerio!”

M'akuri 9:4

E b'aka Tauro i aontano, ao e ongo te b'ana ae kaangai nakoina, “Tauro, Tauro, ko aera ngkai ko b'ainikirinai?”

1.Tamuera 3:10

Ao E tei te UEA i rarikin Tamuera ao E manga weteia naba n aron are karaoia mai m'aaina, “Tamuera! Tamuera!” Ao e kaeka Tamuera, “I ongo b'anaam. Tera te b'ai ae Ko tangiria b'a n na karaoia?”

1.Tamuera 3:6

Ao E a manga wetea riki aran Tamuera te UEA. Ao e teirake Tamuera, ao e kawara Eri ao e taku, “Aio ngai, Tera ae ko tangiria?” E kaeka Eri, Natiu, I aki weteiko. Naako oki nakon kiem.”