Ioane 20:15 - Te B'aib'ara

¹⁵ E taku Iesu nakoina, “Neiko, ko aera ngkai ko tang? Antai ae ko ukoukoria?” E taku neierei i nanona b'a te tia kawakina te ne n aroka teuarei, ma ngaia are e taku nakoina, “Teuaei, ngkana ko uotia nako, ao ko na tuangai b'a ko kaaki ia, b'a N na nako n anaia.”

Ioane 20:15 Iomraidhean Croise

Ana Anene Toromon 3:2

Ma ngaia are, I kakaaea i nanon te kaawa teuare I tangiria. I tarataraia i nanon te kawai, ma bon akea naba ikekei.

Ana Anene Toromon 6:1

Te kabanea n tamaroa n aine, tuangiira b'a e nakea teuarei. Kariaia b'a ti na buokiko ni kakaaea.

Mataio 12:34

Ngkami aika buniia naeta! A na kanga n raraoi ami taeka, ngkai kam buakaka? B'a e taetae te wii man onraken te nano.

Mataio 28:5

Ao e taku te anera nakoia aine akekei, “Kam na aki maaku, b'a I ataingkami b'a kam ukoukora Iesu are kamateaki n te kaibangaki.

Mareko 16:6

Ao e taku nako ia, Kam na aki mimi; I ataia b'a kam ukoukora Iesu are te I-Natareta, are E kamateaki n te kaibangaki. E a manga uti, akea ikai; nora te tabo are a kawenea iai rab'atana.

Ruka 2:44

A taku b'a E mena i buakoia raoia ni m'ananga, ma ngaia are a nakonako teuana aia bong ni kakaaea i buakoia aia utu ma raoia nako;

Ruka 24:5

Ao a kabaraakii mataia b'a a maaku, ao a taku mm'aane akekei nako ia, “E aera ngkai kam ukoukora temanna ae maiu maibuakoia maate?

Ioane 1:38

E rairaki Iesu, ao E nooriia b'a a iria. E taku nakoia, “Tera ae kam ukoukoria?” A kaeka ni kaangai, “Rabi (ae nanona Te Tia Reirei), Ko maeka ia?”

Ioane 18:4

E atai b'aai ni kabane Iesu ake a nangi riki nakoina, ma ngaia are E kerake, ao E taku nakoia, “Antai ae kam ukoukoria?”

Ioane 18:7

E a manga titirakiniia riki ao E taku, “Antai ae kam ukoukoria?” Ao a kaeka ni kaangai, “Iesu are te I-Natareta.”

Ioane 20:13

A titirakinna ao a taku, “Neiko, ko aera ngkai ko tang?” E kaekaia ao e taku, “I bukina b'a a uota nako au Uea, ao I aki ata te tabo ae a kaaki iai.”

1.Tamuera 1:16

Ma I rangi n rawawata mani kainano nanou. I tabe n tataro, ma n taekin au kangaanga ni kabane nakon te UEA.”