Ioane 20:13 - Te B'aib'ara

¹³ A titirakinna ao a taku, “Neiko, ko aera ngkai ko tang?” E kaekaia ao e taku, “I bukina b'a a uota nako au Uea, ao I aki ata te tabo ae a kaaki iai.”

Ioane 20:13 Iomraidhean Croise

Te Minita 3:4

te tai n tang ao te tai ni ngare, te tai n nanokawaki ao te tai ni kukurei,

Ieremia 31:16

Katoka tangim ao kaoi rannimatam. A na bane ni kabooaki mwiin b'aai ni kabane ake ko a tia ni karaoi i bukiia natim; ane a na oki man abaia kairiribai.

Ruka 24:17

Ao E taku nako ia, “Tera ae kam a boni kakarabakauakinna ngkai kam nakonako?” A tei n aki kakarongoa man nanokawaki.

Ioane 19:26

Ma ngaia are, ngke E nora tinana Iesu, ao E nora naba te reirei are E tangiria b'a e tei i rarikina, ao E taku nakon tinana, “Neiko, noria, ao anne natim.”

Ioane 2:4

E taku Iesu nakoina, “Neiko, tai kataia n tuangai b'a tera ae N na karaoia. E tuai n roko au aoa.”

Ioane 20:15

E taku Iesu nakoina, “Neiko, ko aera ngkai ko tang? Antai ae ko ukoukoria?” E taku neierei i nanona b'a te tia kawakina te ne n aroka teuarei, ma ngaia are e taku nakoina, “Teuaei, ngkana ko uotia nako, ao ko na tuangai b'a ko kaaki ia, b'a N na nako n anaia.”

Ioane 20:2

Ma ngaia are, e biri nako nakon Timon Betero ma te reirei are temanna, are E tangiria Iesu, ao e taku nakoia, “A uota nako te Uea man te ne ni mate, ao ti aki ata te tabo are a kaaki iai.”

M'akuri 21:13

E taku ngkanne B'auro nakoia, “Tera ae kam karaoia ngkai kam katumaua te tang, ma n urua nanou? B'a I a tauraoi nakon tiaki ti te kabaeaki, ma nakon naba te mate i Ierutarem i bukin aran te UEA are Iesu.”

1.Tamuera 1:8

Ao e titiraki Erekana ao e taku, “Anna, e aera ngkai ko a tang? E aera ngkai ko aki am'arake? E aera ngkai ko a bon rangi ni karawawatako? Ti aki I raoiroi riki i roum nakoia naati m'aane aika tengaun?”