Ioane 20:1 - Te B'aib'ara

¹ Ngke e a kani ngaina, ngke e roo, n te bong ae moa ni bongin te wiiki, ao e roko n te ne ni mate Nei Maria are te I-M'aketara, ao e nora te atibu b'a e a tia ni kanakoaki mai matan te ne ni mate.

Ioane 20:1 Iomraidhean Croise

Mataio 27:56

I buakoia aine akekei bon Nei Maria are te I-M'aketara, ma Nei Maria are tinan Iakobo ma Ioteb'a, ao ai te aine are tinaia mm'aane ake natin Tebetaio.

Mataio 27:60

ao e kawenea n ana nne ni mate ae boou, ae e ekea i nanon te b'a; ao e karabinoa te atibu ae rangi ni buubura ni kaki i matan te nne ni mate, ao e nako.

Mataio 27:64

Ma ngaia ae ko na tua b'a e na tararuaki raoi te nne ni mate ni karokoa te katenibong, b'a a kawa n roko ana reirei n iraea, ma ni kangai nakoia aomata: E a manga uti mai buakoia maate; ao ane na buakaka riki te aro ni bureburea te aba aei nakon are mai m'aina.”

Mataio 27:66

Ao a nako, ao a kamatoa te nne ni mate arei, ao a kaki te kanikina i aona ni kaotia iai b'a akea ae na kam'akura te atibu; ao a katikuia tautia ikekei b'a a na tantani i rarikin te nne ni mate.

Mataio 28:1

Ngke e a toki te Taabati, ngke e a kaan otin taai ni moani bongin te wiiki, ao e nako Nei Maria are te I-M'aketara ma Nei Maria are temanna, ni kawara te nne ni mate b'a a na noria.

Mataio 28:2

Ao noria, e roko m'aeiein te aba ae korakora; b'a e ruo mai karawa ana anera te Atua, ao e roko ni karabinoa nako te atibu, ao e tekateka i aona.

Mareko 15:46

Ao Ioteb'a e kaboa te kunnikai ae tamaroa ae mainaina, ao e karuoa rab'atan Iesu ao e niria iai; ao e kawenea n te ne ni mate ae ekeaki i nanon te b'a, ao e karabinoa te atibu ae buubura b'a bonotani matan te nne ni mate.

Mareko 16:9

Ngke E a manga uti Iesu mai buakoia maate ni moani bongin te wiiki, ao E kaoti moa nakon Nei Maria are te I-M'aketara, are E a tia ni kaotinakoia mai rouna taimonio ake itiman.

Ioane 11:38

Ma ngaia are, e a manga rotaki naba nanon Iesu, ao E nako n te ne ni mate, ae te b'angani matang, ae bonotaki matana n te atibu.

Ioane 11:41

A kaaki ngkanne te atibu. Ao E tara rake Iesu, ao E taku, “Tamau, I kaitauko b'a Ko ongo irou.

Ioane 19:25

Ao a tei i rarikin ana kaibangaki Iesu tinana ma tarin tinana are Nei Maria are buni Keroba, ao Nei Maria are te I-M'aketara.

Ioane 20:26

Ao i mwini wanibong ao a manga mena i nanon te auti ana reirei, ao Toma raoia. A bono mataroa, ma E roko Iesu n tei i buakoia, ao E taku, “E na mena te rau iroumi.”

M'akuri 20:7

Ngke ti botaki n am'arake n i raorao ni moani bongin te wiiki are te moa ni bong, ao e anga ana taeka n reirei B'auro i bukina ngke e nangi nako n te ingabong; ao e waaki n taetae ni karokoa e nukanibong.

1.I-Korinto 16:2

Ni moani bongin te wiiki ae koraki, ao e riai te aomata i bon i rouna ni katutuka teutana man are e a tia ni karekea, ao e na kaikoa, b'a e aonga n aki kainanoaki te manga riko angab'ai ngkana I roko.

Te Kaotioti 1:10

I mena i aani m'aakan ana kairiri te Tamnei are Raoiroi n ana bong te Uea, ao I ongo te b'ana ae korakora, mai akuu, ae kanga tangin te bu,