Ioane 2:23 - Te B'aib'ara

²³ Ngke E mena Iesu i Ierutarem n tain te Toa are te Riao, ao a m'aiti aomata ake a onimakinna, ngke a noori m'akuri aika kamimii ake E karaoi.

Ioane 2:23 Iomraidhean Croise

Ruka 8:13

Ao ake i aon te ririb'a bon te koraki ake a ongo te taeka ao a kaaki i nanoia ma te kim'areirei; ti te bo te koraki aei ma koraa ake akea wakaaia: a onimaki i nanon te tai ae aki maan, ma ngke a kaririaki ao a b'aka.

Ioane 11:45

Ma ngaia are, ngke a noori baike. E karaoi Iesu I-Iutaia aika bati, ake a roko ni kawara Nei Maria, ao a onimakinna.

Ioane 2:11

Aei te moa ni m'akuri ae kamimii are E karaoia Iesu i Kana i Kariraia; E kaota iai arona b'a E mimitong, ao a onimakinna ana reirei.

Ioane 2:13

E a kaan tain te Toa are te Riao, ao E nako Iesu nako Ierutarem.

Ioane 3:2

E nako n Iesu n te tairiki teuana, ao e taku nakoina, “Te Tia Reirei, ti ataiko b'a te tia reirei ae Ko nako mai mairoun te Atua: b'a e aki kona te aomata ni karaoi m'akuri aika kamimii aika Ko karaoi, ngkana E aki mena i rouna te Atua.”

Ioane 4:45

Ma ngaia are, ngke E roko i Kariraia, ao a m'aneia n akoia I-Kariraia, b'a a tia n noori ana m'akuri ake E karaoi i Ierutarem n tain te Toa are te Riao, are a roko naba iai.

Ioane 5:36

Ma iai te b'ai ni kakoaua i buku ae moamoa riki nakon are kaotiotia Ioane: boni baika I karaoi, aika m'akuri ake E anganai te Tama b'a N na karaoi; a riki b'a b'ai ni kakoaua i buku, ao a kaotia b'a E kanakomaiai te Tama.

Ioane 6:14

Ao aomata ngke a nora te b'ai are kamimii are E karaoia Iesu, ao a taku, “Bon aei te burabeti are nangi roko i aonnaba!.”

Ioane 6:2

A iria aomata aika rangi ni m'aiti i bukina b'a a tia n noori ana m'akuri aika kamimii ni kamaiuaia aoraki.

Ioane 7:31

Ma a m'aiti i buakoia aomata aika kakoaua Iesu. A taku, “Ngkana E roko te Kristo, ao E na karaoi m'akuri aika kamimii ni kabatiai riki nakon ake E karaoi Teuaei?”

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

1.Ioane 3:23

Ao aio ana tua, b'a ti na onimakina aran Natina are Iesu Kristo, ao ti na i tangitangiri, n ai aron taekan te tua are E anganira te Atua.