Ioane 2:13 - Te B'aib'ara

¹³ E a kaan tain te Toa are te Riao, ao E nako Iesu nako Ierutarem.

Ioane 2:13 Iomraidhean Croise

Neemia 13:8

E bon rangi ni kamaraka nanou n te aro are I a karenakoi b'ain nanon ana auti ni kabane Tobia.

Mataio 21:12

E rin Iesu i nanon te um'antabu, ao E kakioia nako ake a bob'ai ma ake a kabob'ai n te um'antabu; ao E karangai aia taibora taan rai m'ane, ma aia kai n tekateka taani kabo nako bitin.

Mareko 11:15

Ngke a roko i Ierutarem, ao E nako n te um'antabu Iesu ao E kakionakoia aomata ake a bob'ai ma ake a kabo nako b'aai. E karangai aia taibora taan rai m'ane, ma aia kai n tekateka taani kabo nako bitin;

Ruka 19:45

Ao E rin Iesu n te um'antabu, ao E kakioia nako aomata ake a kabooi nako aia b'ai iai,

Ruka 2:41

Ni katoa ririki ao a aki toki ana karo n naanako Ierutarem ni kaea te Toa are te Riao.

Ioane 11:55

E a kaan tain aia botaki I-Iutaia are te Toa are te Riao; ao a m'ananga aomata aika bati mai abaia, nako Ierutarem, i m'ain te Toa are te Riao, b'a a na kaitiakiia.

Ioane 13:1

I m'ain rokon te Toa are te Riao, ao E ataia Iesu b'a e a roko ana aoa ni kitana te aonnaba aei nakon Tamana. E a kaman titiku i nanona tangiraia aomata ake a onimakinna, ake a mena i aon te aba, ao E tangiriia ni karokoa te toki.

Ioane 2:23

Ngke E mena Iesu i Ierutarem n tain te Toa are te Riao, ao a m'aiti aomata ake a onimakinna, ngke a noori m'akuri aika kamimii ake E karaoi.

Ioane 5:1

I mwin te b'ai are E karaoia Iesu, ao E nako Ierutarem i bukin aia botaki teuana ae kakawaki I-Iutaia.

Ioane 6:4

E a kaan tain te Toa are te Riao, are aia botaki ae kakannato I-Iutaia.

Te Tua-Kaua 16:16

Iai tenua taian Toa i nanon teuana te ririki ike a na bane ni m'ananga iai m'anen Iteraera nakon te tabo are a tia n rineia te UEA b'a E na taromauriaki iai. Taian Toa aikai bon: Te Toa are te Kariki ae e aki karikaki, te Toa ae M'angani Kaai, ao te Toa ae M'anganikaai. Ao tai m'am'aninga ni uota te b'aintangira nakon te UEA.