Ioane 19:36 - Te B'aib'ara

³⁶ B'a a riki baikai b'a e aonga ni kakoroaki mwin taekan te B'aib'ara are kaangai, “E na aki oteaki rina teaina.”

Ioane 19:36 Iomraidhean Croise

2.Uea 15:12

A bane n tauaki rongorongon b'aai ni kabane ake e karaoi Tekaria i nanon te boki are Rongorongoia Uean Iteraera.

Taian Areru 22:14

Akea korakorau, e a nako b'a kanga ai aron te ran ae kab'aroaki. Ao a bane riu n tibanako man tomaia; ao nanou ai aron te nenea ae riki n ran.

Taian Areru 34:20

E tararuaia raoi te UEA, ao akea naba teutana ikoakina.

Taian Areru 35:10

N na taetae ma nanou ni koaua ni kaangai, “Akea n ai arom: b'a Ko kawakinia akana mamara mairouia akana korakora, ao akana akea aia b'ai mairouia akana b'ainikirina te aba.”

Te Otinako 12:46

E na kanaki ni kabaneaki te am'arake i nanon te auti are katauraoaki iai; e na aki uotaki nako tinaniku. Ao kam na aki otea riin te man teaina.

Warekaia Iteraera 9:12

ao tai katuka teutana nakon te ingabong, ke n otea riin te man. Ururingnga n iri kaetieti aikai.

Mataio 1:22

A riki baikai ni kabane b'a a aonga ni kakoauaki ana taeka te Atua are E a tia n taekinna ngkoa te burabeti, ngke e kangai:

Ioane 13:18

I aki taekiningkami ni kabaneingkami, I ataiia aika I a tia n rineia; ma e na kakoroaki nanon are taekinaki n te B'aib'ara ni kaangai: “Te aomata ae I am'arake ma ngaia, e riki b'a te tia kam'aruaai.”

Ioane 19:24

A i taetae ngkanne i rouia ao a taku, “Ti na aki urua n tib'aia, ma ti na kaiwaia n noria b'a antai ae na b'ainna iroura.” E riki aei b'a e na kakoroaki bukin are taekinaki n te B'aib'ara are kaangai: “A tib'ai kunnikaiu i buakoia, ao a kaiwa ninirau.” Ao aei ngkanne te baere a karaoia tautia.

Ioane 19:28

I mwin aei, ngke E ataia Iesu b'a a tia b'aai ni kabane, ao b'a e aonga ni kakoroaki bukin te taeka are koreaki n te B'aib'ara, ao E taku, “I taka.”