Ioane 19:34 - Te B'aib'ara

³⁴ ma e ewara rarikina temanna irouia tautia n te kainiwai, ao e waanako naba ngkekei te raraa ma te ran.

Ioane 19:34 Iomraidhean Croise

Taian Areru 51:7

Kaitiaki au bure mairou, ao I a itiaki iai. Tebokai, ao N na mainaina riki i aon te tinoo.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Tekaria 13:1

E na reke te koburake n ran, ike a na teboki iai aia bure ma aia kaairua ana kariki Tawita ao kaain Ierutarem.

Mataio 27:62

N te bong are i mwina, are bongin te Taabati, ao a botaki ma Birato ibonga ake mataniwi ma B'aritaio,

Ioane 19:33

ma ngke a roko iroun Iesu ao a noria b'a E a kamani mate, ao a aki otoi waena,

Ioane 20:20

Ngke E a tia n atonga aei, ao E kaoti baina ma rarikina nakoia. Ma ngaia are, a kukurei ana reirei ngke a nora te Uea.

M'akuri 22:16

Ao tera ae ko kaantaningaia ngkai? Tei rake, ao ko na b'abetitoaki ma ni kaitiakaki man am bure, ni m'anewean aran te UEA.”

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

I-Ebeto 5:26

E karaoa aei b'a E na katabua te ekaretia i bukin te Atua n ana taeka, n tebokia ni kaitiakia n te ran,

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Ebera 9:13

B'a ngkana a kaitiakaki aomata mani kam'araia n raraaia kooti ma kao mm'aane ma mannangin te kao aine te tei, aika a katim'aki i aoia;

Ebera 9:22

Ao n aron taekan te Tua, a kuri ni bane b'aai ni kaitiakaki n te raraa; ao ngkana akea katutuan te raraa, ao akea naba kab'arani buure.

1.Betero 3:21

Ao te b'abetito, are aekan te ran arei, e kamaiungkami ngkai, tiaki ni kaitiakan te baareka man te rab'ata, ma n te kaeka nakon te Atua mani mataniwin te nano ae itiaki. E kamaiungkami ni manga-utin Iesu Kristo;

1.Ioane 5:6

Boni Ngaia Teuare nako mai n te raraa ma te ran, are Iesu Kristo. E nako mai, tiaki ti n te ran; ma n te ran ao n te raraa. Ao te Tamnei boni Ngaia te tia kaotiota koauan te baei; b'a te Tamnei bon te koaua.

1.Ioane 5:8

B'a te Tamnei, te ran ao te raraa; ao a boraoi n aia kaotioti.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.