Ioane 19:20 - Te B'aib'ara

²⁰ Ao a wareka te koroboki arei I-Iutaia aika bati, b'a e kaani ma te kaawa te tabo are E kamateaki iai Iesu n te kaibangaki; ao a koreaki taeka akekei n te taetae n Ebera, n te taetae n Ratine ao n te taetae n Erene.

Ioane 19:20 Iomraidhean Croise

Ruka 23:38

Iai te koroboki i etana ae e kangai, “Aei Aia Uea I-Iutaia.”

Ioane 19:13

Ma ngaia are, ngke e ongo taeka akanne Birato, ao e kaira Iesu ni kaotinakoa, ao e tekateka i aon ana kai n tekateka te tia moti n te tabo are a wene ni baireaki iai atiibu aika kaanga atirababa. Aran te tabo arei n te taetae n Ebera boni Kabata.

Ioane 19:42

Ma ngaia are, a kawenea iai rab'atan Iesu i bukina ngke bongin te katauraoi irouia I-Iutaia te bong arei, ao i bukina naba b'a e kaan te ne ni mate arei.

Ioane 5:2

Iai i Ierutarem, i rarikin aia mataroa tiibu, te nei ae aranaki n te taetae n Ebera b'a Beteteta ae iai taabo aika nimaua iai aika rabunaki aoia i bukin te katantan.

M'akuri 21:37

Ngke e nang kairaki ni karinaki B'auro i nanoni neia tautia are matoatoa, ao e taku nakon aia mataniwi tautia, “E kariaiaki b'a N na taetae nako im, ke e aki?” “Ao ngaia e kaangai, Ko rabakau n taetae n Erene?”

M'akuri 21:40

Ao ngke e kariaia, ao e tei B'auro n te tabo n nakonako ni waerake, ao e taotaona baina nakoia aomata. Ngke ai bon akea naba teutana te karongoa, ao e taetae nakoia n te taetae n Ebera, ao e kaangai:

M'akuri 22:2

Ao ngke a ongo b'a e taetae nakoia n te taetae n Ebera, ao a kainab'aabu riki; ao e taku:

M'akuri 26:14

Ngke ti bane ni b'aka i aontano, ao I ongo te b'ana ae kaangai nako iu n te taetae n Ebera, “Tauro, Tauro, e aera ngkai ko b'ainikirinai? E kangaanga i roum b'a ko na orei ni waem taboni kaai aika kakang!”

Ebera 13:12

Ao anne bukin are E maraki ma ni mate iai Iesu i tinanikuni mataroan te kawa, b'a e aonga ni katabui maiuia aomata b'a ana b'ai te Atua n oin raraana.

Te Kaotioti 16:16

Ao a ikotiia uea nako n te tabo ae aranaki n te taetae n Ebera b'a Aremaketon.

Te Kaotioti 9:11

Iai aia uea b'a aneran te tabo are Abuto. Aran te anera anne n te taetae n Ebera bon Abaton, ao n te taetae n Erene Aboruon.