Ioane 19:11 - Te B'aib'ara

¹¹ E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”

Ioane 19:11 Iomraidhean Croise

1.Rongorongo 29:11

E korakora m'aakam, ao e noraki mimitongim n taabo ni kabane i karawa ao i aonaaba,

Taian Areru 39:9

I aki ngongoo; I aki taetae naba teutana, b'a boni ngkoe ae ko karika aei.

Taian Areru 62:11

E raka i aon teuana au tai n ongo ana taeka te Atua, ngke E taetae ni kaangai, “I m'aaka,”

B'aeb'aeti 3:37

Bon akea ae kona ni karaoa are e taku ngkana tiaki nanon te Atua.

Taniera 4:17

Aio ana babaire te anera are e b'aina te tatauraoi. Ma ngaia are, a na bane aomata n ataia b'a E m'aaka te Atua ae moan te m'aaka i aon abanuean te aomata, ao E kona n angan ane E bon taku, n ai aroia aika rangi ni mangori.’

Taniera 4:25

Ko na kakioaki nako man te kaawa, ao ko na maeka ma maan aika a moaanti. Ko na kang uteute n ai aron te kao, ao ko na matu n te tabo ae e katawanang, n te aro are e na ruoniko te aoi, ao e na riki aei nakoim i nanon itiua te ririki. Ao ko na okira te Atua n tokina, ao ko na kakoaua b'a boni Ngaia ae E taua taekan ueaia aomata ni kabane, n te aro are E kona n anai ao ni manga anganiia tabem'aang ake E bon taku.

Taniera 4:32

Ao ane ko na kakioaki nako man te kaawa, ao ko na maeka ma taian man aika a moaanti, ao ko na kana te uteute n ai aron te kao i nanon itiua te ririki. Ao ane ko na kakoaua b'a iai m'aakan te Atua ae e m'aaka i aon ana tautaeka te aomata, ao E kona n anga nako ngaiia nakon temanna are E bon taku.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Taniera 5:21

E kanakoaki man te kaawa, ao e a riki b'a kaanga ana iango te man. E maeka ma taian aati, e kana te uteute n ai aron te kao m'aane, ao e maeka n taabo aika a katawanang, aika akea katanana iai man te aoi. Ao n tokina ao e a kakoauaa b'a bon te Atua ae e m'aaka ae e taui aron ueaia aomata, ao E kona n anga nakon ane E bon taku.

Mataio 26:65

Ao e raea kunnikaina mataniwiia ibonga, ao e taku, “E taetae ni bakanatua! E aera b'a ti na tangiriia riki taani bukibuki? Kam a tia ngkai n ongo ana taeka ni bakanatua!

Mataio 27:2

Ao a kabaea, ao a kairia nako, ao a angani Birato are te tia tau-taeka.

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

Mareko 14:44

Ao teuare nang kam'anea Iesu, e a tia n angania aomata te kanikina, ngke e kangai, “Ane N na kiitinna ao boni Ngaia; kam na taua, ao kairia nako n tararuaia raoi.”

Ruka 22:53

Ngke I memena ma ngkami n te bong ae koraki n te um'antabu, ao kam aki tauai. Ma e a bo ami tai ngkai, ae ana tai naba teuare buakaka are uean te roo.”

Ioane 18:13

A kairia moa nakon Annati; ngkai ngaia tamani buni Kaiaba, are aia mataniwi ibonga n te ririki arei.

Ioane 18:3

Ma ngaia are, ngke a roko i rouna tautia tabem'aang ma bureitimanin te Tembora ake a kanakoaki irouia ibonga ma B'aritaio, ao e kairia nakon te ne n aroka, ma uotaia taura ma ooi ma b'ai ni buaka.

Ioane 19:10

Ma ngaia are, e taku Birato nakoina, “Ko aki taetae nako iu? Ko aki ataia b'a iai i rou te kona ni kainaomatako ao te kona ni kamateko n te kaibangaki?”

Ioane 3:27

E kaekaia Ioane ao e taku, “Akea te b'ai ae kona n riki nakon te aomata, ma ti ngkana E karaoia te Atua b'a e na riki.

Ioane 7:30

A ukoukora te anga ae a na taua iai, ma akea temanna ae roko baina i aona, i bukina b'a e tuai ni bo ana tai are E na tauaki iai.

Ioane 9:41

E taku Iesu nakoia, “Ngke arona b'a kam matakii, ao kam aki atongaki b'a kam bure ngkana kam karaoa ae buakaka; ma ngkai kam kaangai, Ti noraba, ao e bon tiku i aomi mwin ami bure.”

M'akuri 2:23

E a kaman tia ni baireia te Atua, ao E a kaman ataia naba, ae E na tauaki Iesu nakoimi, ao kam kamatea, b'a kam anga nako nanoni baiia aomata aika riri aon te tua, b'a a na tauria n te kaibangaki;

M'akuri 3:13

Atuan Aberaam, ma Itaaka, ma Iakob'a, are Atuaia ara bakatibu, E neboa Natina are Iesu, are kam anga ao kam kakeaa i matani Birato, ngke e a tia n reke ana baire b'a e na kainaomata.

M'akuri 4:28

B'a a na karaoi b'aai ni kabane ake Ko a tia ni bairei ni m'aakam ma nanom b'a a na karaoaki.

I-Rom 11:36

B'a mairoun te Atua b'aai ni kabane; a bane ni karikaki i bukina, ao a na bane ni manga oki nakoina. Ana b'ai te neboaki n aki toki. Amen.

I-Rom 13:1

Ke a ongeaba aomata ni kabaneia irouia ake a tautaeka i aoia: b'a ti te Atua ae angan te aomata te m'aaka n tautaeka, ao Ngaia naba ae E kateia aika tautaeka ngkai n nakoaia.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Iakobo 4:17

Ma ngaia aei, b'a ane ata aroni karaoan ae riai, ma n aki karaoia, ao e boni bure iai.