Ioane 18:30 - Te B'aib'ara

³⁰ A kaeka ao a taku nakoina, “Ngke arona b'a akea te m'akuri ae buakaka ae E karaoia, ao ti aki kona n anganiko.”

Ioane 18:30 Iomraidhean Croise

Mareko 10:33

E taku, “Noria, ae ti a toua kawaira nako Ierutarem; ao ane E nang kam'aneaki Natin te Aomata nako nanoni baiia ibonga ake mataniwi ma taani koroboki, ao ane a na anga Ngaia nakoia aomata aika tiaki I-Iutaia,

Mareko 15:3

Ao a bukinna ni baika bati ibonga ake a kakannato.

Ruka 24:7

‘B'a e riai b'a E na kam'aneaki Natin te Aomata nako nanoni baiia aomata aika buakaka, ao E na kamateaki n te kaibangaki ao E na manga uti n te katenibong.’ ”

Ioane 18:29

Ma ngaia are, e oti nako nakoia Birato, ao e titirakiniia ni kaangai, “Tera ae kam bukina te aomata aei iai?”

Ioane 18:31

E taku ngkanne Birato nakoia, “Kairia nako ngkami, ao motika taekana n ai aron ami tua.” A taku ngkanne I-Iutaia nakoina, “E aki riai n taekan ara tua b'a ti na kamatea te aomata.”

Ioane 19:12

Ngke e ongo aei Birato, ao e ukoukora te anga are e na kainaomata iai Iesu. Ma a takarua nakoina aomata, ao a kaangai, “Ngkana ko kainaomata Iesu, ao tiaki raoni ngkoe uean te tautaeka n Rom. Ane taku b'a te uea ngaia ao bon te tia eekaanako uean te tautaeka n Rom.”

M'akuri 3:13

Atuan Aberaam, ma Itaaka, ma Iakob'a, are Atuaia ara bakatibu, E neboa Natina are Iesu, are kam anga ao kam kakeaa i matani Birato, ngke e a tia n reke ana baire b'a e na kainaomata.

2.Timoteo 2:9

ae I kamarakaki i bukina ao I kabaeaki n taurekereke i bukina b'a kanga ai aron te kam'arua ngai. Ma e bon aki kabaeaki n taurekereke ana taeka te Atua.

1.Betero 4:15

Ngkana e maraki temanna i buakomi, ao e na tai atongaki iai b'a te tia tiritiri, ke te tia iraa, ke te tia karaoa ae buakaka, ke te tia kanrabakauakin aia b'ai aomata tabem'aang n te aro ae aki riai.