Ioane 18:1 - Te B'aib'ara

¹ Ngke E a tia n tataro Iesu, ao E nako ma ana reirei n ri aon te karaanga are Kiteron nakon te tabo are e mena iai te ne n aroka, ao E rin iai ma ana reirei.

Ioane 18:1 Iomraidhean Croise

Karikani B'aai 2:15

Ao E katuka te mm'aane n te nne n aroka are i Eten te UEA ae te Atua, b'a e na m'akuriia ma n tararuaia.

Karikani B'aai 3:23

Ma ngaia are, E kanakoia te UEA ae te Atua man te nne n aroka are Eten, ao E karaoia b'a taan ribanaa te tano are a boni karaoaki mai iai.

2.Tamuera 15:23

Ao a bane n tang kaain Ierutarem ngke a m'ananga Tawita ma aomata ake iria rirarikiia i aoni kawaia n nako. E kairiia Tawita ri nanon te M'arua are Kiteron ao n te kawai nakon te rereua.

1.Uea 15:13

E boni karaoa naba bannan Nei Aatera tibuna are Nei Maaka, ao e anaia Ata ni kabuokia n te M'arua are Kiteron. Ao i mwiina, e kab'aka tibuna man nnena are te ueanaine ae te tina.

1.Uea 2:37

Ko na tiringaki ngkana ko kataia n ri nanon te M'arua are Kiteron ma ni kiitana Ierutarem. Boon am bure anne.”

2.Uea 23:12

Tabeman uean Iuta, ma ai moaraara riki Manate, e a tia ni karaoi taiani baonikarea i nanon oon te Tembora ake uoua, ao n te tabo naba are e karaoia Aati i aon taubukin te bareti. E uruia taiani baonikarea aikai Iotia ao e kamaerikirikii, ao e karenakoi m'akorokoroia i nanon te M'arua are Kiteron, i tinanikun Ierutarem.

2.Uea 23:4

Ao Iotia e tuangiia Irekia are te ibonga ma taiani kauoman ni ibonga, ao taan tei ni mataroan te Tembora b'a a na rin i nanon te Tembora ma ni kaotinakoi b'aai ake a kabonganaaki i bukin taromaurian B'aara, ma Nei Aatera, ao taiani itoi. E kabuoki b'aai aikai Iotia ni M'aruan Kiteron n are i tinanikun Ierutarem, ao e anai mannangiia ni uoti nakon te kaawa are Betaera.

2.Uea 23:6

E kaotinakoa te boua are e tabu i bukin taromaurian Nei Aatera te uea are Iotia man te Tembora ao e uotia nakon te M'arua are Kiteron, ike e a kabuokaki iai. E kamantinta mannangina ni karikia b'a te bubu ao e karenakoa i aon ruanimaten te botannaomata ikekei.

2.Rongorongo 15:16

E a tia tibun Ata te unaine are Nei Maaka ni karaoa te bouannanti ae e rangi n ribaaki are Nei Atera, ma ngaia are, e koroia ni kab'aka, ao e kamaerikirikia, ao e kabuokia n te M'arua are Kiteron. Ao i mwiina, e kam'ainga Nei Maaka mani nnena are te tina ni ueanaine.

2.Rongorongo 29:16

Ao a rin i nanon te Tembora ibonga ao a kaotinakoi b'aai aika a aki itiaki. A katikui baikanne ni katawanangin te Tembora, ao mai ikanne, are a uoti nako iai kanoan Rewi ni kaotinakoi i tinanikun te kaawa nakon te M'arua are Kiteron.

2.Rongorongo 30:14

A anai aia baonikarea ianena ni kabane ao baonikarean te b'ai ni kaboiarara are aia b'ai naba ianena i Ierutarem ao a tewenakoi ni M'aruan Kiteron.

Neemia 2:15

Ma ngaia are, I a ruorikaaki nakon te M'arua are Kiteron ao I taraa te oo mai ikanne. Ao i m'aain otin taai ao I a karairaki nakon te kaawa n ri nanon te Mataroa are M'arua.

Ieremia 31:40

E na katabuaki naba te M'arua are Innom are e rangi n ribaaki b'a e na riki b'a Au b'ai, ao ai uana naba ma taiani karaabee ake i mainiku ake a ruorikaaki nakon te Mataroa are Aoti nako nanon te M'arua are Kiteron. E na aki manga oki n uruakaki Ierutarem.

Nakoaia Ibonga 2:6

E na korokoreaki ni kauarerekeaki, ao e na kab'aroaki riki te b'a i aona. Ao anne ngkanne aron karaoan te karea are te uita nakon te UEA.

Mataio 26:30

Ao ngke a tia n anenea te anene n nebo nakon te Atua, ao a nako n te maunga are Oriweta.

Mataio 26:36

Ao E nako Iesu ma ana reirei nakon te tabo ae arana Ketetem'ane. Ao E taku nako ia, “Kam na tekateka ikai, b'a N na nako ikekei n tataro.”

Mareko 14:26

Ngke a tia n anene, ao a oti nako nakon te maunga are Oriweta.

Mareko 14:32

Ao a nako n te tabo ae arana Ketetem'ane, ao E taku Iesu nakoia ana reirei, “Kam na tekateka ikai i nanon au tai n tataro.”

Mareko 14:42

Tei rake, ti na nako; noria, e a roko teuare nang kam'aneai!”

Ioane 14:31

ma e na ataia te aonnaba b'a I tangira Tamau; ao anne bukina ae I karaoi iai b'aai ni kabane ake E tuangai. “Tei rake, ti na nako maikai.

Ioane 18:26

Ao temanna irouia ana toro aia mataniwi ibonga, ae ana bu teuare e korea taningana Betero ni kab'akaa, e titirakina Betero ao e kaangai, “Tiaki I noriko ma Ngaia n te ne n aroka?”

M'akuri 21:11

Ngke e roko iroura, ao e anaa kabaean nuukani B'auro, ao e kabae baina ma waena i bon i rouna iai, ao e taku, “Aikai ana taeka te Tamnei are Raoiroi, Ane a na kabaea te aomata ae ana b'ai te kabaea n nuuka aei I-Iutaia ake i Ierutarem, ao a na anga nako nanoni baiia aomata aika tiaki I-Iutaia.”