Ioane 17:4 - Te B'aib'ara

⁴ I a tia n neboiko i aon te aba, ni katiaan te m'akuri are Ko anganai b'a N na karaoia;

Ioane 17:4 Iomraidhean Croise

Ruka 22:37

B'a I taku nako imi b'a e riai b'a a na kakoroaki i Rou bukin taeka ake a koreaki ake a kangai, Ao E warekaki i buakoia taani bure; b'a baika koreaki b'a taekau, a na boni bane ni koro bukiia.”

Ioane 12:28

Tamau, neboa aram.” E roko ngkanne te b'ana mai karawa, ae kaangai, “I a tia n neboia, ao N na manga neboia.”

Ioane 14:13

Ao N na karaoa te b'ai ane kam bubuti i bukina n arau, b'a e aonga ni kaotaki mimitongin te Tama iroun te Nati.

Ioane 14:31

ma e na ataia te aonnaba b'a I tangira Tamau; ao anne bukina ae I karaoi iai b'aai ni kabane ake E tuangai. “Tei rake, ti na nako maikai.

Ioane 15:10

Ngkana kam ongeaba nakon au tua nako, ao e na bon aki bua mairou tangirami; n ai arou ngkai I ongeaba nakon ana tua nako Tamau, ao e aki bua tangirau i rouna.

Ioane 19:28

I mwin aei, ngke E ataia Iesu b'a a tia b'aai ni kabane, ao b'a e aonga ni kakoroaki bukin te taeka are koreaki n te B'aib'ara, ao E taku, “I taka.”

Ioane 19:30

Ao ngke E tia ngkanne Iesu ni katoonga te wain arei, ao E taku, “E a tia!” Ao E karara atuna, ao E anga tamneina.

Ioane 4:34

E taku Iesu nakoia, “Kanau bon te ongeaba nakon nanon Teuare kanakomaiai, ao te katia ana m'akuri.

Ioane 5:36

Ma iai te b'ai ni kakoaua i buku ae moamoa riki nakon are kaotiotia Ioane: boni baika I karaoi, aika m'akuri ake E anganai te Tama b'a N na karaoi; a riki b'a b'ai ni kakoaua i buku, ao a kaotia b'a E kanakomaiai te Tama.

Ioane 9:3

E kaekaia Iesu ao E taku, “E aki bungiaki ni mataki i bukin ana bure ke aia bure ana karo, ma e mataki b'a a aonga ni kaotaki ana m'akuri te Atua i rouna.

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

2.Timoteo 4:7

I a tia n rangi ni kekeiaki m'aaka, n te kekeiaki m'aaka ae e raoiroi; I a tia ni kabo biri m'aaka, ao I a tia n teimatoa i nanon te onimaki.