Ioane 17:26 - Te B'aib'ara

²⁶ I a tia ni kaota aram nakoia, ao N na bon aki toki ni kaotiotia nakoia, b'a a aonga n tangiria aomata n ai aron am tangira nako iu, ao b'a I aonga n nim ma ngaiia.”

Ioane 17:26 Iomraidhean Croise

Taian Areru 22:22

N na tuangiia au botannaomata baika Ko a tia ni karaoi; N na anenea kamoamoaam n aia tai ni bootaki n taromauri.

Ioane 14:20

N te bong arei, ao kam na ataia b'a I mena i nanon Tamau, ao ngkami i nanou, ao Ngai i nanomi.

Ioane 14:23

E kaekaa Iesu ao E taku, “Ngkana e tangirai te aomata, ao e na ongeaba nakon au taeka; e na tangiraki iroun Tamau, ao ti na nakoina ni maeka ma ngaia.

Ioane 15:15

I aki manga atongngkami b'a tooro, b'a te toro e aki ata ane e karaoia ana uea; ma I atongngkami b'a raao, i bukina b'a I a tia n tuangngkami b'aai ni kabane ake I ongo iroun Tamau.

Ioane 15:4

Kam na teimatoa n nim ma Ngai, ao N na teimatoa n nim ma ngkami. Akea te m'aanga ae kona ni kariki uaa i bon i rouna, ngkana e aki nim ma botona; ao ai aromi naba, kam aki kona ni kariki uaa, ngkana kam aki nim ma Ngai.

Ioane 15:9

I tangiringkami n ai aron Tamau ngkae E tangirai; kam na teimatoa n nim ma Ngai b'a e aonga n aki bua tangirami irou.

Ioane 17:23

Ngai i nanoia, ao Ngkoe i nanou, b'a a aonga ni katiteuanaki raoi, ao e na ataia te aba b'a Ko kanakomaiai ao Ko tangiriia, n ai arom ngkai Ko tangirai.

Ioane 17:6

“I a tia ni kaota aram nakoia aomata aika Ko anganai mai buakon te aba; bon am b'ai ngaiia, ao Ko anganai, ao a ongeaba nakon am taeka.

Ioane 17:8

b'a I a tia n tuangiia taeka ni kabane ake Ko tuangai, ao a kaaki i nanoia, ao a ataia b'a ngaia e koaua ae I nako mai mai Roum; ao a kakoaua ae Ko kanakomaiai.

Ioane 6:56

Ane kana irikou, ma n nima raraau, ao e memena i nanou, ao Ngai i nanona.

Ioane 8:50

I aki ukoukora neboakiu. Ma iai ane ukoukoria, ao E motiki-taeka.

I-Rom 8:10

Ao ngkana E maeka Kristo i nanomi, ao e maiu te Tamnei i nanomi i bukina b'a a a tia ni kaetaki aromi n reitaki ma te Atua, ao e mate te rab'ata i bukin te bure;

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

1.I-Korinto 12:12

Kristo ai aron te rab'ata ae ti teuana, ae a bati b'aina; ma e boni ngae ni bati b'aina, ma bon te rab'ata ae ti teuana.

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

I-Ebeto 1:6

Ti na neboa te Atua b'a E rangi n tituaraoi nako ira i bukin Natina are tatangiraki i rouna,

I-Ebeto 3:17

b'a E na maeka Kristo i nanomi i bukin ami onimaki, ao b'a a na iai wakaami ma aami n te tangira,

I-Ebeto 5:30

n aron ae ti ataia ngkai kaain te ekaretia ngaira.

I-Ebeto 5:32

Bon iai te koaua ae kakannato ae raba i nanon te taeka aei, ma I taku b'a e taekinaki iai Kristo ma te ekaretia.

I-Korote 1:27

E karaoa aei te Atua b'a E tangiringkami aika tiaki I-Iutaia b'a kam na ata te baere raba ae kamimii ae mimitong; ao te bae raba aei boni Kristo i nanomi, are Ngaia ami kaantaninga b'a e na reke neboami.

I-Korote 2:10

Ao kam a tia n anganaki te maiu ni koaua ngkai kam reitaki ma Ngaia, are atuuni m'aaka ma korakora ni bane.

I-Korote 3:11

Ao n te aro aei, akea iai te kaokoro i marenan te I-Erene ma te I-Iutaia, te itiaki ma te aki itiaki, te aomata ae tiaki te I-Erene, te I-Tekute, te toro ma te inaomata: ma ae moamoa i aoni b'aai ni kabane boni Kristo, ae E mena i roura ni kabane.

2.I-Tetaronike 2:16

ao ara Uea are Iesu Kristo ma te Atua ae Tamara are tangirira, ma n akoira n anganira kabebetean te nano ae aki toki, ma te kaantaninga ae raoiroi,

Ebera 2:12

ngkae E kangai “N na taekina aram nakoia tariu; N na anenea aram i buakon aia botaki n taromauri.”

1.Ioane 3:24

Ao ane tau ana tua ao e nim ma te Atua, ao te Atua E nim ma ngaia. Ao ti ataia b'a E nim ma ngaira n aei, i bukin te Tamnei are Raoiroi are E anganira.