Ioane 17:17 - Te B'aib'ara

¹⁷ Ko na tabuia n am taeka aika koaua; te koaua am taeka.

Ioane 17:17 Iomraidhean Croise

2.Tamuera 7:28

Te UEA ae Moan te M'aaka, bon te Atua Ngkoe. Ko a tia ni berita ni b'aai tabeua aika a raraoi nako iu, ao ko bon kakoauaaki b'a Ko na karaoa te b'ai are Ko a tia ni berita iai.

Taian Areru 119:104

E reke irou te wanawana n am Taeka, Ma ngaia ae I ribaai aroaro aika buakaka ni kabane.

Taian Areru 119:11

I kaaki am Taeka i nanou, b'a I aonga n aki bure nakoim.

Taian Areru 119:144

A eti n aki toki am Taeka: Buokai b'a N na oota iai, ao N na maiu.

Taian Areru 119:160

A bane ni koaua am Taeka; ao akea tokin am Moti aika raraoi ni kabane.

Taian Areru 119:9

E kanga n reke te maiu ae itiaki iroun te aomata ae e a ikawai? Tii ngkana e ongeaba nakon am Taeka.

Taian Areru 12:6

Ana taeka te UEA bon taeka aika a kakoauaaki; ai aron te tirewa are kaburoburoaki itiua te tai m'aitina i nanon te nne ni kanaiai.

Ruka 8:11

Aio nanon te rongorongo ni kabotau; Te koraa bon ana taeka te Atua.

Ruka 8:15

Ao i bukiia ake n te tano are raoiroi, akanne bon te koraki ake a ongo te taeka ao a taua ni kamatoa ma te nano ae koaua ae raoiroi, ao a kariki uaa i bukin aia taotaonaki n nano.

Ioane 15:3

Ao ngkami, kam a kaman tia ni kaitiakaki n te taeka are I a tia n atongnga nakoimi.

Ioane 17:19

Ao I tabuai i bukiia, b'a a aonga n tabuaki n am taeka aika koaua.

Ioane 8:32

ao kam na ata te koaua, ao e na kainaomataingkami te koaua.”

Ioane 8:40

Ma ae kam ukoukora naba kamateau, Ngai ae te aomata ae I tuangngkami te koaua are I ongo mairoun te Atua; e aki karaoa aei Aberaam.

M'akuri 15:9

ao E aki kakaokoroa arora ma ngaiia, ngke E kab'arai aia bure i bukin aia onimaki.

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

I-Ebeto 4:21

Kam a bon tia n ongo taekana; ao ngkai kam reitaki ma Ngaia, ao kam a reireiaki te koaua are iroun Iesu.

I-Ebeto 5:26

E karaoa aei b'a E na katabua te ekaretia i bukin te Atua n ana taeka, n tebokia ni kaitiakia n te ran,

2.I-Tetaronike 2:13

Ma e riai b'a ti na katituaraoa te Atua n taai nako i bukimi, taari, akana kam tangiraki iroun te Uea. I bukina b'a E a tia n rineingkami te Atua b'a moan aomata ake a ana kamaiuaki ni m'aakana iroun Tamneina are Raoiroi b'a kam aonga n Raoiroi, ao ni kaaki ami onimaki n te koaua.

Iakobo 1:21

Ma ngaia ae kam na kaaki aromi aika kam'ara ma kateimi ni kabane aika bubuaka, ao kam na kaaki i nanomi ma te nimamannei te taeka are unikaki are kona te kamaiungkami.