Ioane 17:13 - Te B'aib'ara

¹³ Ma N nangi nakoim ngkai, ao I atongi baikai i aon te aba b'a e aonga n reke i rouia koro raoini kukureiu i nanoia.

Ioane 17:13 Iomraidhean Croise

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Taian Areru 126:5

A na tai ma te kakatonga te koraki ake, a ununiki ma te tang!

Taian Areru 43:4

Ao N na nako n am baonikarea, te Atua: Boni Ngkoe ae nako mairoum kukureiu. N na katanga au b'ai ni katangtang n neboiko, te Atua, ae Atuau.

Ioane 13:3

ao Iesu, n ataakina i rouna b'a E a tia Tamana ni kaaki b'aai ni kabane i aani m'akana, ao b'a E roko mairoun te Atua ao E na manga oki nakon te Atua,

Ioane 15:11

“I atongi baikai nakoimi, b'a e aonga n reke iroumi te kim'areirei ae ti te bo ma ae e reke irou, ao b'a e aonga ni koro raoi kim'areireimi.

Ioane 16:33

I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

Ioane 17:11

Ao ngkai, N nangi nakoim; N nang aki tiku ni maan i aon te aba, ma a na tiku ngaiia i aon te aba. Tamau ae Ko Raoiroi, kawakinia ni m'akan aram, ae te ara are Ko anganai, b'a a aonga n riki n teuana, n ai arora.

Ioane 3:29

Teuare e mena i rouna te aine ae a tib'a iein, ao bon te tia iein; ao raoraon te tia iein are te mm'aane, e teitei ao e rangi ni kim'areirei ngke e ongo b'anaan te tia iein. Ao aei bukin ae I rangi ni kim'areirei iai.

Ioane 7:33

E taku Iesu, “N na kamaanai ni mena iroumi teutana riki, ao i mwina N na kitaningkami nakon Teuare kanakomaiai.

M'akuri 13:52

Ao a kaonaki reirei ake i Antioka n te kim'areirei ao n te Tamnei are Raoiroi.

I-Rom 14:17

B'a tiaki uean te Atua te am'am'arake ma te momooi, ma bon te katei ni maiu are karaoan nanon te Atua, ma te rau, ma te kim'areirei ake ti anganaki iroun te Tamnei.

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.

1.Ioane 1:4

Ao ti koroi baikai b'a a aonga ni kororaoi ara kim'areirei.

2.Ioane 1:12

Ngkai a bati au taeka aika I kani koroi nako imi, ao I aki kani koroi n te beb'a ma te anto.