Ioane 16:24 - Te B'aib'ara

²⁴ Kam tuai ni bubuti te b'ai teuana n arau ni karokoa ngkai: kam na bubuti, ao ane kam na anganaki, b'a e aonga ni koro raoi kim'areireimi.

Ioane 16:24 Iomraidhean Croise

Karikani B'aai 32:9

Ao e tataro Iakob'a ao e taku, “Atuan tibuu are Aberaam, ao Atuan tamau are Itaaka, ongora irou. Ko tuangai te UEA b'a N na nako n okira abau nakoia au koraki, ao Ko na kanakoraoi b'aai ni kabane i buku.

1.Uea 18:36

Ao ngke e a bo tain te angakarea n te tairiki, ao e tataro Eria ni kaangai: Ara UEA, Boni ngkoe Atuan Aberaam, Itaaka, ao Iteraera. Ko na kaotia raoi b'a boni ngkoe Atuan te botannaomata aei, ao ngai ae am toro I boni karaoa aei n am babaaire.

2.Uea 19:15

Ao e tataro: Te UEA ae Atuan Iteraera, e mena am kaintokanuea i aoia b'aai aika a maiu aika iai baiia ni kiba. Ko karaoa karawa ma aonnaba, ao bon ti ngkoe ae Ko tautaekani abanuean te aonnaba aei.

Mataio 6:9

Aio ngkanne aron ami tataro: ‘Tamara are i karawa, E na tabuaki aram,

Ioane 14:1

“A na tai rawawata nanomi; kam na onimakina te Atua, ao kam na onimakinai naba.

Ioane 14:14

Ngkana kam butiai te b'ai teuana n arau, ao N na karaoia.

Ioane 15:11

“I atongi baikai nakoimi, b'a e aonga n reke iroumi te kim'areirei ae ti te bo ma ae e reke irou, ao b'a e aonga ni koro raoi kim'areireimi.

Ioane 16:23

“Ao n te bong arei, ao akea ami titiraki ae kam na manga titirakinai iai. Bon te koaua ni koaua ae I a tuangngkami b'a ngkana kam butiia te Tama te b'ai teuana n arau, ao E na anganingkami.

Ioane 3:29

Teuare e mena i rouna te aine ae a tib'a iein, ao bon te tia iein; ao raoraon te tia iein are te mm'aane, e teitei ao e rangi ni kim'areirei ngke e ongo b'anaan te tia iein. Ao aei bukin ae I rangi ni kim'areirei iai.

2.I-Tetaronike 1:2

Ami b'ai te akoaki ma te raoi mairoun te Atua ae Tamara ma te Uea are Iesu Kristo.

2.Ioane 1:12

Ngkai a bati au taeka aika I kani koroi nako imi, ao I aki kani koroi n te beb'a ma te anto.