Ioane 16:22 - Te B'aib'ara

²² Ao ai aromi naba: b'a kam nanokawaki ngkai, ma N na manga noringkami, ao ane a na kaonaki nanomi n te kim'areirei, ao akea temanna ae na anaa kim'areireimi mai roumi.

Ioane 16:22 Iomraidhean Croise

Iobi 34:29

Ngkana e bon taku te Atua b'a akea te b'ai ae na karaoia, ao akea temanna ae kona n tiribureia. Ngkana E karaba matana, e na aki reke buokaia aomata.

Taian Areru 146:2

N na kamoamoa n ua tokini bongini maiu; N na anene ni kamoamoa Atuau n au tai ni maiu.

Taian Areru 33:21

A kim'areirei nanora i rouna, B'a kioina ngkai ti onimakina arana ae tabu.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Ieremia 31:12

A na roko Au aomata n te Maunga are Tion ma ni karaoa aia bootaki ni kukurei; a na oota moaia i bukin Au kakab'aia. N na anganiia te uita, te kureebe, ao b'aan te oriwa, ao ai uana naba ma taian tiibu ao taiani kao. A na teetekeraoi Iteraera ao a na rikirake kaanga te nne n aroka ae e m'aiti te ran iai.

Mataio 28:8

Ma ngaia are a kawaetataia n nako man te nne ni mate ma te maaku ao te kukurei ae bati, ao a biri nako n tuangiia ana reirei.

Ruka 10:42

ma e kainanoaki te b'ai ae ti teuana. E a tia Nei Maria n rinea te tib'a are raoiroi riki, are e na aki anaaki mai rouna.”

Ruka 16:25

Ma e taku Aberaam, “Natiu, ko na uringnga b'a ngkoe n am tai ni maiu ao a rereke nako im baika raraoi, ma Rataro e rereke i rouna baika buakaka; ma ngkai, e a reke i rouna raun nanona ikai, ao ngkoe ko kainano ni maraki.

Ruka 19:26

“I taku nako imi b'a ane iai ana b'ai ao e na anganaki riki; ao ane akea ana b'ai ao e na anaaki mai rouna ane iai i rouna.

Ruka 24:41

Ao ngke a tiku n aki kakoauaa i bukin te kim'areirei ma te mimi are reke i rouia, ao E taku nako ia, “Iai kanami i roumi ikai?”

Ioane 14:1

“A na tai rawawata nanomi; kam na onimakina te Atua, ao kam na onimakinai naba.

Ioane 14:19

Ai ti teutana, ao e na aki manga norai aonnaba; ma kam na manga norai. Ngkai N na manga uti, ao ngkami kam na manga uti naba.

Ioane 14:27

“I katuka te rau iroumi; I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maku.

Ioane 16:16

“Ai ti teutana, ao kam na aki norai; ao ai manga ti teutana riki i mwina, ao kam na manga norai.”

Ioane 16:20

Bon te koaua ni koaua ae I a tuangngkami b'a ane kam na tang ma n tanginiwenei, ma ane e na kim'areirei te aba; ane kam na nanokawaki, ma ane e na oneaki nanokawakimi nakon te kim'areirei.

Ioane 16:6

Ma ngkai I a tia n taekini baikai nakoimi, ao kam a taonaki n te nanokawaki.

Ioane 21:7

Ao te reirei are E tangiria Iesu e taku ngkanne nakoni Betero, “Bon te Uea!” Ma ngaia are, ngke e ongo Timon Betero b'a te Uea, ao e kabaea i aona ana kabaraaki, b'a e a tia ni buuti kunnikaina, ao e ewe nako n te nama.

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

M'akuri 13:52

Ao a kaonaki reirei ake i Antioka n te kim'areirei ao n te Tamnei are Raoiroi.

M'akuri 16:25

Ngke e a nukanibong ao a tataro B'auro ma Tira, ao a anene n neboa te Atua; ao a ongora aomata ake buure i rouia.

M'akuri 2:46

A bobotaki n te Tembora ma te nano ae ti teuana ni katoa bong, ao a bobotaki n am'am'arake n aia auti nako, ao a kang kanaia ma te kukurei ao te nanoraoi,

M'akuri 5:41

Ma ngaia are, a nako man te Tanirim ma te kim'areirei, b'a a kona n atongaki b'a a tau ni kamaamaaeaki i bukin te ara ae Iesu.

2.I-Korinto 6:10

ngke ti taonaki n te rawawata n nano, ma ti aki toki ni kukurei; ngke ti riki b'a kanga aomata aika akea aia b'ai, ma ti karikirakei aroia aomata aika bati b'a a na kaub'ai; ngke ti riki b'a ai aroia akana akea aia b'ai, ma ti b'aini b'aai nako.

2.I-Tetaronike 2:16

ao ara Uea are Iesu Kristo ma te Atua ae Tamara are tangirira, ma n akoira n anganira kabebetean te nano ae aki toki, ma te kaantaninga ae raoiroi,

Ebera 10:34

B'a kam uaia ni maraki ma ake a kabureaki, ao ngke kam kurib'aiaki ao kam kataua ma te kukurei, ngkai kam ataia b'a bon iai ami b'ai aika raraoi riki aika aki mauna i karawa.

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.

1.Betero 1:8

are kam tuai n noria, ma kam tangiria naba; are kam aki noria ngkai, ma kam onimakinna naba, ao kam kim'areirei n te kim'areirei ae rangi ni bati ae aki konaaki ni kab'araki arona n taian taeka;