Ioane 16:2 - Te B'aib'ara

² Ane kam na tukaki b'a kam na aki manga roko ni m'aneabaia I-Iutaia, ao e na roko te aoa are e na taku iai ane kamateingkami b'a ngke e karaoa aei, ao e karaoia i bukin neboan te Atua.

Ioane 16:2 Iomraidhean Croise

Itaia 65:5

Ao a taku nakoia tem'angina, “Kam na aki kaaniira! Ti katabuaki b'a a na aomata te Atua.” Kaanga taiani bubu aekaki n aomata aikai, aika a kamaraka b'airiu ni katoa bong.

Itaia 66:5

Ngkana kam ruru ngkana e taetae te UEA, ao kam na kakauongo nakon te b'ai ae e taekinna ae e kaangai: “A ribaingkami tabeman aomata ibuku ao a rawa naba iroumi ibuku. A b'ab'ainingare ao a taku, Ke E kaota m'akana te UEA! Ti a mataku i rouna ngkana e anganingkami te kukurei ni koaua.’ Ma ane a na mamaa koraki akana a atong baikai.”

Taniera 11:33

A na manga tib'aa rabakauia taani kairiiri aika a wanawana nakoia raoia, ma i mwiin tabeua te tai a na manga tiringaki tabeman n te boo ni buaka, ke a na kabuokaki ni kamateaki, ao tabeman a na iraeaki ao a na karikaki b'a buure.

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

Mataio 24:9

Ao ngkana a riki baikanne, ao ane a na anga ngkami b'a kam na karawawataki, ao ane a na kamateingkami; ao ane kam na ribaki irouia botannaomata ni kabaneia i bukin arau.

Ruka 6:22

Kam a kab'aia ngkana a ribaingkami aomata, ao ngkana a katinanikuingkami ma n taetaebuakaingkami, ao ngkana a atong arami b'a aara aika kam'araa, i bukin onimakinan Natin te Aomata i roumi!

Ioane 12:42

Ma e ngae n anne ao a bon onimakinna naba taan tautaeka aika bati; ma a aki kani kaotia, i bukina b'a a makuia B'aritaio, b'a a kaawa n tukaki mani m'aneabaia I-Iutaia:

Ioane 16:25

“I a tia ni kabonganai taeka aika kaangaanga iroumi b'a kam na oota iai ngke I atongi baikai nakoimi; ma e na roko te aoa are N na aki manga taekina iai te Tama nakoimi n taeka aika kangaanga iroumi b'a kam na oota iai, ma N na taekinna nakoimi n te aro ae kam na oota raoi iai.

Ioane 16:32

Noria, e a roko te aoa, ao e a boni kaman roko, are kam na kauamaaeaki nako iai nakoni mwengami nako, ao kam na kitanai ni katukai n ti Ngai; ma iai raou b'a Tamau.

Ioane 4:21

E taku Iesu nakoina, “Neiko, ko na kakoauaai b'a ane na roko te tai are a na aki taromauria iai te Tama aomata i aon te maunga aei, ke i Ierutarem.

Ioane 4:23

Ma e a tabe n roko te aoa, ao ngaia e a kaman roko, are a na angan te Tama taan taromauri ni koaua taromauriana ni m'akan te Tamnei are Tabu, ao taromauriana n aron are E tangiria: b'a aikai aekan aomata aika E tangiriia te Tama.

Ioane 9:22

A atonga aei ana karo b'a a makuia I-Iutaia, i bukin are a tia ni kabo nanoia n taku b'a te aomata ane atonga Iesu b'a te Kristo, ao a na tukiia b'a e na aki manga roko ni m'aneabaia I-Iutaia.

Ioane 9:34

A kaeka ao a taku nakoina, “Te aomata ni bubure ngkoe, ni moa man te tai are ko bungiaki iai, ao ko na reireiniira? Ao a taua ma te matoa ni kaotinakoa man aia m'aneaba I-Iutaia.”

M'akuri 5:33

Ao ngke a ongo arei, ao a rangi ni maraki nanoia, ao a iangoa aroni kamateaia.

M'akuri 7:56

ao e taku Tetebano, “Akea b'a I nora karawa b'a e kaukaki, ao Natin te Aomata b'a E tei i angaatain te Atua!”

1.I-Korinto 4:13

Ngkana a taekinaki arora ni kabuakakaki, ao ti kaboi n taeka aika raraoi. Ti riki ni karokoa te bong aei b'a kaanga maangen aonnaba ma baarekani b'aai ni kabane.

I-Biribi 3:6

n reitaki ma nanou n tauaninne ngkoa i bukin te Atua, ao I b'ainikirina te ekaretia; ao n reitaki ma karaoan nanon te Atua are taekinaki n te Tua, ao I iri nanoia ni kabane.

Te Kaotioti 6:9

Ao ngke E kaaki te b'ai ni kanim are te kanikina are te kanimaua, ao I nooriia aomataia ni koaua te koraki ake a kamateaki ngkoa i bukin ana taeka te Atua, ao i bukin naba aroia ni kakaonimaki n tataekina ana taeka te Atua;

Tani Motiki-taeka 6:30

Ao a m'ananga m'aanen te kaawa arei nakon Ioati ao a taku, “E a tia natim are Kiteon n urua baonikareani B'aara, ao e koroi baangota ake i rarikina. Ko na anganiira natim anne b'a ti na tiringnga.”