Ioane 15:4 - Te B'aib'ara

⁴ Kam na teimatoa n nim ma Ngai, ao N na teimatoa n nim ma ngkami. Akea te m'aanga ae kona ni kariki uaa i bon i rouna, ngkana e aki nim ma botona; ao ai aromi naba, kam aki kona ni kariki uaa, ngkana kam aki nim ma Ngai.

Ioane 15:4 Iomraidhean Croise

Ana Anene Toromon 8:5

Antai te ateiaine aei ae e roko man te rereua man raraa angan teuare e tangiria? I kakiriwea am tangira i aan te kai ae te aboro ike ko bungiaki iai.

Otea 14:8

Iteraera, Katikui ami bouannanti nako! N nang kaekaa ami tataro ma n tararuaingkami. Boni Ngai te aroka are e mimitong arei, are oin ami kariki uaa,

Mataio 12:33

E riai n iai i roumi te kai ae maiu raoi ngkana kam tangira te uaa ae raoiroi; ngkana e aki maiu raoi te kai, ao ane kam na karekea uaana ae buakaka; b'a e kinaki aron te kai n uaana.

Ruka 8:15

Ao i bukiia ake n te tano are raoiroi, akanne bon te koraki ake a ongo te taeka ao a taua ni kamatoa ma te nano ae koaua ae raoiroi, ao a kariki uaa i bukin aia taotaonaki n nano.

Ioane 14:20

N te bong arei, ao kam na ataia b'a I mena i nanon Tamau, ao ngkami i nanou, ao Ngai i nanomi.

Ioane 17:23

Ngai i nanoia, ao Ngkoe i nanou, b'a a aonga ni katiteuanaki raoi, ao e na ataia te aba b'a Ko kanakomaiai ao Ko tangiriia, n ai arom ngkai Ko tangirai.

Ioane 6:56

Ane kana irikou, ma n nima raraau, ao e memena i nanou, ao Ngai i nanona.

Ioane 8:31

E taku ngkanne Iesu nakoia I-Iutaia ake a kakoauaa, “Ngkana kam teimatoa n ongeaba nakon au taeka, ao bon au reirei ni koaua ngkami iai;

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”

2.I-Korinto 13:5

Kam na kataingkami ao kakoauaingkami b'a kam bon onimaki ni koaua. Kam aki ataia b'a E mena Iesu Kristo i nanomi? ma E aki mena i nanomi ngkana kam a tia ni kataingkami ao kam kakoaua b'a kam aki onimaki ni koaua.

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

I-Ebeto 3:17

b'a E na maeka Kristo i nanomi i bukin ami onimaki, ao b'a a na iai wakaami ma aami n te tangira,

I-Biribi 1:11

ngkai a kaonaki maiumi ni baika reitaki ma ana kaantaninga te Atua, aika baika mairoun Iesu Kristo, are E neboaki te Atua iai ma ni karaoiroaki.

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

I-Korote 1:27

E karaoa aei te Atua b'a E tangiringkami aika tiaki I-Iutaia b'a kam na ata te baere raba ae kamimii ae mimitong; ao te bae raba aei boni Kristo i nanomi, are Ngaia ami kaantaninga b'a e na reke neboami.

I-Korote 2:6

Ma ngaia aei, ngkai kam a tia ni butim'aea Kristo Iesu are te UEA, ao kam na maiu n reitaki ma Ngaia.

1.I-Tetaronike 3:5

Ma ngaia arei, ngke I aki kona ni kamaanai riki n taona nanou, ao I kanakoa Timoteo nako imi b'a I aonga n ata aron ami onimaki; b'a I raraoma ngkana tao kam a tia ni kairaki iroun te tia kariri, ao a matebuaka ara m'akuri.

Ebera 10:39

Ma tiaki ngaira kaain te kerikaki nakon te mate, ma kaain te onimaki nakon te maiu.

1.Ioane 2:6

Ane taku b'a E nim te Atua ma ngaia, ao e riai n nakonako n te aro are E nakonako naba iai Kristo.

2.Ioane 1:9

Ane aki toua mwin ana taeka n reirei Iesu ma e kitanna n tan nako, ao akea te Atua i rouna; ane toua mwin ana reirei, ao bon iai i rouna te Tama ma te Nati.