Ioane 15:22 - Te B'aib'ara

²² Ngke tao I aki roko n taetae nakoia, ao a na akea i rouia namakinani mwin aia bure; ma ngkai, ai bon akea aonaia i bukin aia bure.

Ioane 15:22 Iomraidhean Croise

Etekiera 2:5

A na bon aki ongo naba koraki akana kakaitaraa, ma e aoria n anne ma a bon ataia b'a e a tia n roko te burabeti irouia.

Ruka 12:46

ao teuare ana mataniwi te toro arei, e na roko n te bong ae e aki kantaningaia iai, ao n te aoa ae e aki ataia, ao e na korouaia ni kam'akorokoroa, ao e na kaakiia i rarikiia ake a aki kakaonimaki.

Ioane 12:48

Ane rawa nako iu, ao e aki kaaki i nanona au taeka, ao bon iai ae na motika taekana: taeka ake I atong a na riki b'a b'aini motikan taekana n te kabanea ni bong.

Ioane 15:23

Ane ribaai, ao e ribaa naba Tamau.

Ioane 15:24

Ngke tao I aki karaoi i buakoia b'aai aika aki kakaraoaki ma rimoa iroun te aomata, ao a na bon akea i rouia namakinani mwin aia bure; ma ngkai, a tia n norai ma Tamau ao a ribaira.

Ioane 16:9

E bure ootana n aron te bure i bukina ngkai e aki onimakinai;

Ioane 19:11

E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”

Ioane 9:41

E taku Iesu nakoia, “Ngke arona b'a kam matakii, ao kam aki atongaki b'a kam bure ngkana kam karaoa ae buakaka; ma ngkai kam kaangai, Ti noraba, ao e bon tiku i aomi mwin ami bure.”

M'akuri 17:30

Ma ngaia ae E aki bairei taekaia aomata te Atua i nanon tain te babanga arei; ma E tuangiia aomata ngkai ni kabaneia n taabo nako b'a a na rairi nanoia,

I-Rom 1:20

B'a a kaman noraki raoi aron te Atua aika aki nonoraki, are m'aakana ae akea moana ma tokina, ma arona n Atua, ma ngke a moa ni karikaki aonnaba; ao a ataaki ni baike E karaoi. Ma ngaia are, bon akea aonaia.

I-Rom 2:1

Ma ngaia ae bon akea aonam, ngkoe ae te aomata ae ko taku n am baire b'a a buakaka aomata nako: b'a ane ko taku b'a e buakaka, ao ko boni motika naba iai taekam ni kabuakakako, i bukina b'a ngkoe ae ko kabuakaka ko boni karaoi naba baikai.

Iakobo 4:17

Ma ngaia aei, b'a ane ata aroni karaoan ae riai, ma n aki karaoia, ao e boni bure iai.

1.Betero 2:16

Kam na b'aina te maiu n inaomata; ma kam na tai b'aina inaomatami b'a aonami ngkana kam karaoa ae buakaka; ma kam na b'aina te maiu n toro ae maiuia aomata aika tooro iroun te Atua.