Ioane 15:2 - Te B'aib'ara

² Te m'aanga ae nim ma Ngai ae e aki uaa, ao E kanakoa; ao te m'aanga ae uaa, E kaitiakia, b'a e aonga ni kariki uaana aika m'aiti.

Ioane 15:2 Iomraidhean Croise

Iobi 17:9

E na bon aki toki waen te aomata ae raoiroi, ao e a rikirake ni korakora ma ni korakora ane e itiaki baina.

Taian Areru 92:14

A na teimatoa n uaa e ngae ngkana a kai nikawai, Ao a na teimatoa korakoraia ma mangurorooni baaia.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Itaia 27:9

Bon ti teuana te kawai ae e konaa iai ni kab'araaki iai ni kabane ana bure Iteraera: a riai ni kamaaenikuni atiibu nako ake aia baonikarea beekan ao aia tabo n taromauri.

Itaia 29:19

Ane a na bootaki ni kukurei ma n takaarua aomata aika a maiu ni kainano ma aika a tangira buokaia i bukin te UEA ae Atuaia Iteraera ae E tabu.

Taniera 11:35

A na mate tabeman mai buakoia taani kairiiri ake a wanawana, ma n tokina, ao a na boni itiaki aomata. E na waaki nako te aro anne ni karokoa rokon te toki, are te tai are e a tia ni baaireia te Atua.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Maraki 3:3

E na kaitiakia ana kariki Rewi, te UEA kaanga ai aron te tirewa. Ao ane a na uota te angab'ai ae e kaantaningaaki nakon te UEA.

Mataio 13:12

B'a ane iai i rouna te atatai ni baika raba aika b'ain Uean te Atua, ao e na anganaki riki, ao e na reke i rouna ni bati; ma ane akea i rouna ao e na anaki mai rouna are iai, e aoria ngkana e rangi n uarereke.”

Mataio 13:33

E a manga tuangiia te rongorongo ni kabotau teuana, ao E kangai, “Uean te Atua ai aron te iti, are e anaia te aine ao e renganna ma te buraawa ae abwi rawawatana, ao e kabanea ni karikirakea te buraawa.”

Mataio 15:13

Ao E kaekaia Iesu ni kangai, “A na bane ni koutaki aroka nako aika aki unikaki iroun Tamau are i karawa.

Mataio 21:19

E nora te biku tekaina i rarikin te kawai, ao E nako iai; ao akea te bae E kunea iai b'a ti baana; ao E taku nako iai, “E na tai manga oki n riki uaam!” Ao e rai te biku n te tai naba arei.

Mataio 25:29

B'a ane iai ana b'ai ao e na anganaki riki, ao ane a na rangi ni m'aiti iai ana b'ai.

Mataio 3:10

Ao e tauraoi ngkai te angaraa ni korei kaai mani wakaaia; te kai are aki kariki uaa aika raraoi, e na koreaki ni kab'akaki, ao e na teweaki nako nanon te ai.

Mataio 3:12

E mena i nanoni baina te b'ai ni m'akuri are E na kaitiaka iai maangen te uita man te tabo are ororeaki iai te uita b'a e aonga n raure nako ma kaina. E na boti uaa n uita i nanon ana titoa ni b'ai, ao E na kabuoki maangen uita n te ai are aki mamate.”

Mataio 7:19

Kaai nako aika aki kariki uaa aika raraoi, a koreaki ao a teweaki nako n te ai.

Mareko 4:20

Ma tem'angina, a kabotauaki b'a kaanga koraa ake a unikaki n te tano are raoiroi. A ongo te taeka, ao a kaki i nanoia, ao a kariki uaa: tabem'aang kaka tenibwi, ao tabem'aang kaka onobwi, ao tabem'aang tatabe bubua.”

Ruka 8:13

Ao ake i aon te ririb'a bon te koraki ake a ongo te taeka ao a kaaki i nanoia ma te kim'areirei; ti te bo te koraki aei ma koraa ake akea wakaaia: a onimaki i nanon te tai ae aki maan, ma ngke a kaririaki ao a b'aka.

Ioane 15:1

“Ngai te kai ae te kureebe ni koaua, ao Tamau te tia ribana.

Ioane 15:16

Kam aki rineai; ma I rineingkami, ao I bairei ami m'akuri, b'a kam na nako ni kariki uaa aika bati, ao a na aki mauna uaami; ma ngaia are ngkana iai te bae kam butiia iai Tamau n arau, ao E na anganingkami.

Ioane 15:3

Ao ngkami, kam a kaman tia ni kaitiakaki n te taeka are I a tia n atongnga nakoimi.

Ioane 15:6

Ane aki nim ma Ngai, ao e teweaki nako n ai aron te m'anga, ao e rai. A bobotaki aeka ni m'anga aikai, ao a teweaki nako nanon te ai, ao a bue.

Ioane 15:8

E neboaki Tamau n ami kariki uaa aika bati, ao n rikimi b'a au reirei.

Ioane 17:12

Ngke I mena i rarikiia, ao I kawakinia ni m'aakan aram, ae te ara are Ko anganai. I tantani i rarikiia, ao akea temanna i buakoia ae bua, ma ti natin te mate, b'a e na kakoauaki taekan te B'aib'ara.

I-Rom 11:17

Ngkami aika tiaki I-Iutaia, ti te bo ngkami ma m'aangan te kai ae te oriwa are riki n aki akaaka, aika m'aangana ake a katomaaki ni kamaiuaki ma m'aangan te oriwa are unikaki raoi, aika m'aangana ake a tia n oteaki. Kam a tia n onei mwini m'aanga tabeua ake a tia ni koreaki mai iai; ao i bukin aromi aei, ao kam a b'aina te kab'aia are e reke man rikimi b'a m'aangan te kai are unikaki raoi.

I-Rom 11:22

Ko nora ngkanne aron ana ataataiaomata te Atua ao arona ni matoatoa: E matoatoa nakoia ake a tia ni b'aka, ma E ataataiaomata nakoimi, ngkana kam teimatoa n onimakina arona nakoimi. Ma ngkana kam aki, ao ane kam na koreaki ni kaakaki.

I-Rom 8:28

Ao ti ataia b'a ni b'aai ni kabane, ao E m'am'akuri te Atua i bukin te raoiroi ao i bukiia te koraki ake a tangiria ake E a tia ni weteia nakon ana kaantaninga.

1.I-Korinto 13:1

I kaota nako imi te aro ae moan te raoiroi riki: ngkana iai i rou te kona n taetae n taetaen aaba nako ma aia taetae anera, ma ngkana akea te tangira i rou, ao I riki n ai aron te b'ai ni katangitang ae te buraati ae e karongoa tangina, ma te b'ai ni katangitang ae te timbara ae e karongoa naba tangina.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Ebera 12:15

Kam na tarataraingkami b'a e kawa temanna ni b'aka man te akoaki iroun te Atua, ao b'a e kawa n riki b'a kanga ai aron te wakaa ae mao ni kakiriweingkami, ao a na kam'araeaki iai aomata aika bati.

1.Ioane 2:19

Kairiribai aikai a nako mai buakora, ma bon tiaki raora; b'a ngke arona b'a raora, ao a na bon tiku i roura. Ma a nako mai buakora, b'a a na kaotaki b'a tiaki raora ngaiia ni kabaneia.

Te Kaotioti 3:19

Akana I tangiriia ao I boaiia ma n reireiia aroia aika riai; ma ngaia ae ko na kakorakorako ao raira nanom.