Ioane 15:19 - Te B'aib'ara

¹⁹ Ngkana ana b'ai te aba ngkami, ao e na tangiringkami b'a e tangiriia ana b'ai; ma ngkai tiaki ana b'ai te aba ngkami, ao I rineingkami mai iai, ao bon aei bukina ae e ribaingkami iai te aba.

Ioane 15:19 Iomraidhean Croise

Mataio 10:22

ao ane kam na ribaaki irouia aomata ni kabaneia i bukin arau. Ma ane nanom'aka ni karokoa matena, ao e na kamaiuaki.

Mataio 24:9

Ao ngkana a riki baikanne, ao ane a na anga ngkami b'a kam na karawawataki, ao ane a na kamateingkami; ao ane kam na ribaki irouia botannaomata ni kabaneia i bukin arau.

Ruka 6:32

Ngkana kam tangiriia akana tangiringkami, ao tera kamoamoaami ae na reke iai? B'a aomata aika taani bure a tangiria naba aomata ake a tangiraki i rouia.

Ioane 13:18

I aki taekiningkami ni kabaneingkami, I ataiia aika I a tia n rineia; ma e na kakoroaki nanon are taekinaki n te B'aib'ara ni kaangai: “Te aomata ae I am'arake ma ngaia, e riki b'a te tia kam'aruaai.”

Ioane 15:16

Kam aki rineai; ma I rineingkami, ao I bairei ami m'akuri, b'a kam na nako ni kariki uaa aika bati, ao a na aki mauna uaami; ma ngaia are ngkana iai te bae kam butiia iai Tamau n arau, ao E na anganingkami.

Ioane 6:70

E kaeka Iesu ao E taku, “Tiaki I rineingkami ngkami aika tengauni ma uoman, ao bon iai te riaboro temanna i buakomi!”

Iakobo 4:4

Ngkami aika kanga ainenum'a aika taani wene ni bure, kam aki ataia b'a te iraorao ma b'ain te maiu aei bon ribaan te Atua? Ma ngaia aei, b'a ane kan i raorao ma b'ain te maiu aei, ao e riki b'a ana kairiribai te Atua.

1.Betero 4:3

Kam riai n aki manga karaoi baika kam karaoi ngkoa ngke kam iri nanoia aomata ake tiaki Kristian, ni maiu ni kaitataan ma ni kaib'ab'aru, ma ni manging, ma ni bobotaki ni manging ni kukurei ni kammaira, ma n iri taromauriani bouananti aika taromauri aika bati n ribaki.

1.Ioane 3:12

ao ti na aki katotonga aroni Kain are mairoun teuare buakaka, ngke e kamatea tarina. Ao e aera ngke e kamatea? B'a kioina ngke a bubuaka ana m'akuri, ao a raraoi ana m'akuri tarina.

Te Kaotioti 12:17

Ao e un te rakon nakon te aine arei, ao e nako b'a e na buakaniia natin neierei ake tabem'aang, ake a kakawakin ana tua te Atua, ma n teimatoa n taua te koaua are E kaotiotia Iesu.

Te Kaotioti 12:9

Ao e teweaki nako mai eta te rakon are korakora, are te naeta are ngkoangkoa, are arana te Riaboro ke Tatan, are m'am'anaia kaain aonnaba ni kabaneia: e teweaki nako aon te aba, ao a teweaki nako naba ana anera ma ngaia.