Ioane 15:16 - Te B'aib'ara

¹⁶ Kam aki rineai; ma I rineingkami, ao I bairei ami m'akuri, b'a kam na nako ni kariki uaa aika bati, ao a na aki mauna uaami; ma ngaia are ngkana iai te bae kam butiia iai Tamau n arau, ao E na anganingkami.

Ioane 15:16 Iomraidhean Croise

Karikani B'aai 18:18

A nang riki kanoana b'a te botannaomata ae korakora, ao N na kakab'aiaia botannaomata nako mai rouna.

Taian Areru 145:4

A na kamoamoa am m'akuri rooro nako; a na tataekin am m'akuri aika korakora.

Taian Areru 71:18

Te Atua, tai kaaki taekau ngkai I a kara ao e a iaia iran atuu! Ko na raonai n au tai n tataekin am M'akuri ake ab'ab'aki ma ni kamimii nakoia roroo nako aika na roko.

Taeka n Rabakau 11:30

Maiuakina te raoiroi, ao ane kam na am'arake man te aroka are e angaanga te maiu. Ao ngkana kam m'akuri n aron te aomata ae e wanawana, ao ane a na katotoongkami tabem'aang.

Itaia 27:6

N te bong teuana ao ane e na nene wakaaia aomatan Iteraera kaanga te kureebe. Ane a na uee ma ni kariki uaa aika a na kaona te aonnaba.

Mika 5:7

A na riki nikiraia Iteraera ake a maiu ma ni uamaaenako i buakoia botannaomata b'a b'aai ni kamaiu aika a kanakoaki mairoun te UEA n ai aron te aoi ma te karau i aon taian aroka. A na mwioko iroun te Atua, ao tiaki iroun te aomata.

Mataio 21:22

Ao te b'ai ane kam bubuti n te tataro, e na reke nako imi, ngkana iai ami onimaki.”

Mataio 7:7

Bubuti, ao ane kam na anganaki; ukeuke, ao ane kam na karereke; karebwerebwe, ao ane e na kaukaki nako imi.

Ruka 6:13

Ngke e a ingabong, ao E weteia ana reirei ao E rineia tengauni ma uoman mai buakoia, ao E atongiia b'a taan tuatua, Aikai araia;

Ioane 13:18

I aki taekiningkami ni kabaneingkami, I ataiia aika I a tia n rineia; ma e na kakoroaki nanon are taekinaki n te B'aib'ara ni kaangai: “Te aomata ae I am'arake ma ngaia, e riki b'a te tia kam'aruaai.”

Ioane 15:19

Ngkana ana b'ai te aba ngkami, ao e na tangiringkami b'a e tangiriia ana b'ai; ma ngkai tiaki ana b'ai te aba ngkami, ao I rineingkami mai iai, ao bon aei bukina ae e ribaingkami iai te aba.

Ioane 15:5

“Ngai te kai ae te kureebe, ao ngkami m'aangana. Ane nim ma Ngai, ao I nim ma ngaia, ao e na kariki uaa aika bati; b'a akea te b'ai ae kam kona ni karaoia ngkana akea Ngai.

Ioane 6:70

E kaeka Iesu ao E taku, “Tiaki I rineingkami ngkami aika tengauni ma uoman, ao bon iai te riaboro temanna i buakomi!”

M'akuri 1:24

Ao a tataro ni kaangai, “Te UEA, ae Ko atai nanoia aomata, Ko na kaotia b'a antai ae Ko rineia n uake uoman aikai,

M'akuri 1:8

Ma ane kam na anganaki te m'aaka, ngkana E roko te Tamnei are Raoiroi i aomi; ao ane kam na riki b'a taan tataekinai nakoia aomata i Ierutarem ao n taabo nako i Iuta, ao i Taamaria, ao i aonnaba ni kabuta.”

M'akuri 10:41

Tiaki nakoia aomata ni kabaneia, ma E kaotia ti nako ira, ngaira aika taani kakoaua aika ti a kaman rineaki iroun te Atua, aika ti am'arake ao ti moi ma Ngaia i mwini maiuna mai buakoia maate.

M'akuri 22:14

Ao e taku, “E a tia n rineiko Atuaia ara bakatibu b'a ko na ata nanona are na karaoaki, ma n nora Teuare Atataiaomata, ma n ongo te b'ana mai wina.

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

I-Rom 1:13

Ma I tangiringkami, tariu, b'a kam na ataia b'a e m'aiti au tai ae I a tia ni baireia b'a N na nakoimi iai, ma iai te b'ai ae aki toki n tototokoa m'anangau ni karokoa naba te tai aei. I kan rairiia naba tem'angina i buakomi nakon te UEA, n ai aroia ake a tia n rairaki i rou i buakoia botannaomata ake tiaki I-Iutaia.

I-Rom 1:5

Boni Ngaia are ti anganaki mai Rouna te kona n riki b'a taan tuatua i bukin arana, b'a a aonga n onimaki ma n ongeaba botannaomata ni kabaneia.

I-Rom 15:4

B'a b'aai ni kabane ake a koreaki ngkoa a koreaki i bukin reireiara, b'a e aonga n reke iroura te kaantaninga n taekan te taotaonaki n nano ma te kaunga nano n te B'aib'ara.

I-Rom 9:21

Akea ana riai te tia karaoi b'aai man te bokaboka b'a e na karaoa te boora ae katamaroaaki ma te boora ae akea katamaroaana man ti teuana te b'ariko ni bokaboka?

1.I-Korinto 10:11

A bane n roko baikekei i rouia b'a b'aai n reirei i bukira, ao a riki i bukin reireiara, ngaira aika ti maiu n te tai ae a kaan ma te toki.

I-Karatia 1:15

Ma ngke E kukurei nanon Teuare a tia n rineai mai nanoni biroton tinau, ma ni weteai n ana akoi,

I-Ebeto 2:10

B'a kanoan ana m'akuri ngaira, aika ti karikaki i nanoni Kristo Iesu i bukini m'akuri aika raraoi, ake E a kamani katauraoi b'a ti na karaoi.

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

I-Korote 1:6

are roko i roumi ao i aonnaba ni kabane: ao e kariki uaa ma n riki rake naba i nanomi man te bong are kam ongo taekana iai, ao n ata raoi ana akoi te Atua n arona ni koaua.

1.Timoteo 2:7

ao anne bukin ae I rineaki iai b'a te tia katanoataa taekana, te tia tuatua, ao te tia reireiia aomata aika tiaki I-Iutaia taekan te onimaki ma te koaua. I atonga te koaua, I aki kewe.

2.Timoteo 1:11

B'a te euangkerio aei ae I baireaki iai b'a te tia taekinna ngai, ao te tia tuatua ma te tia reirei i bukina;

2.Timoteo 2:2

ao baikana ko ongo i rou ake I taekin i mataia taani kakoaua aika bati, ko na mwiokoi nakoia aomata aika kakaonimaki, aika kona n reireiia naba tabem'aang.

Tito 1:5

I katikuko i Kirete i bukin aei, b'a ko na kaeti baike a tuai n tia, ao b'a ko na rineia naba unimm'aane n ekaretia ni kaawa nako, n ai aron are I tuangko ngkoa.

Ebera 11:4

I bukin ana onimaki Abera, ao e angan te Atua te karea ae raoiroi riki nakon ana karea Kain; ao i bukin ana onimaki ao E kukurei te Atua i rouna ngkai e karaoa nanona; ao e boni ngae ni mate Abera, ma e teimatoa n taetae ana onimaki i bukina.

Iakobo 3:18

Te maiu ae e raoiroi boni ngaia ae na taiaki b'a te ua are riki man te koraa are unikaki n te raoi irouia taan raoi.

1.Betero 3:15

Ma kam na tabua Kristo i nanomi b'a te Uea; ao kam na tauraoi n te bong ae koraki b'a kam aonga ni kona ni kaeka te aomata ae titirakiningkami bukin te kaantaninga ae mena i nanomi;

1.Betero 3:2

i bukina b'a ane a na noori aroaromi aika itiaki ma ni karinerine.

1.Ioane 4:10

Aio te tangira, tiaki ngke ti tangira te Atua; ma E tangirira, ao E kanakomaia Natina b'a te kareanraoi i bukin ara bure.

1.Ioane 4:19

Ti b'aina te tangira, i bukina b'a E tangirira moa.